जलस्रोतविद् अजय दीक्षितले जलवायु परिवर्तनबाट उत्पन्न हुने जोखिमप्रति सचेत हुनुपर्ने बताएका छन् । उनले जलवायु परिवर्तनको आयाम फराकिलो रहेपनि यसबाट जलस्रोतमा परेको असरबारे कमैमात्र चर्चा हुने गरेको उल्लेख गरे ।

राजधानीको दरबारमार्गस्थित पेभेलियन हलमा बुधबार आयोजित जलवायु परिवर्तनसम्बन्धी कार्यशालामा कार्यपत्र प्रस्तुत गर्दै जलस्रोतविद् दीक्षितले हरेक वर्ष हिमाली भेगमा हिउँको मात्रा घट्दै गइरहेकाले नेपालका नदी प्रणालीको संरक्षण गर्नुपर्ने बताए ।

उनले नेपाल भएर गंगामा मिल्न जाने नदीमा झण्डै एक अर्ब मानिसहरु निर्भर रहेकाले जलवायु परिवर्तनबाट नदी प्रणालीमा उत्पन्न हुने जोखिमप्रति चनाखो रहनुपर्ने उल्लेख गरे । कार्यशालामा उनले नेपालमा जलस्रोतको बहस केबल जलविद्युतको विषयमा मात्रै केन्द्रित हुने गरेको भन्दै जलवायु परिवर्तनले जलस्रोतमा परेको असरबारे थप बहस आवश्यक रहेको बताए ।

कार्यशालामा जलवायु परिवर्तनबारे विभिन्न क्षेत्रमा कार्यक्रमहरु सञ्चालन गरिरहेका ७ जना अभियन्ताहरुले कार्यपत्र प्रस्तुत गरेका थिए ।

इन्स्टिच्युट फर स्ट्राटेजिक सोसियो इकोनोमिक रिसर्च आईएसएसआरको आयोजना तथा नेपाल युएस अलुम्नी नेटवर्क नुसान, क्लाइमेट एक्सन च्याम्पियन्स नेटवर्कको सहआयोजनामा सम्पन्न कार्यक्रममा जलवायुविद्, पत्रकार, सामाजिक अभियन्ता, विभिन्न संस्थाका प्रतिनिधि एवम् आम सर्वसाधारणको सहभागिता रहेको थियो ।

बुधबार, २४ माघ, २०८० गते

Comments

सम्बन्धित खवर

लोकप्रिय

धेरै पढिएको

संघर्षशिल युथ क्लबको दास्रो अधिवेशन सम्पन्न, अध्यक्षमा डुबा भोटे

किमाथांका नाका खोल्न परराष्ट्र मन्त्री साउदसँग सांसद दिपक खड्काको माग

संखुवासभाका अन्तराष्ट्रिय पदक विजेता नेपाली धावक निमेश गुरुङ सम्ममानित

राबा बैकको लोगोसंगै कार्यकारी प्रमुख किरण श्रेष्ठको तस्वीरले चुम्यो अफ्रिकाको चुचुरो

बर्दिवासको घाम बोलको गितमा गायक वाङछिरीङ भोटियाको अर्को सफलता

चुनौतिसंगै लाक्पा शेर्पा अर्को कीर्तिमान राख्न सातौ पटक मकालु हिमालको आरोहणमा

अन्तरपालिका स्तरिय फुटसल प्रतियोगिताको उपाधि धर्मदेबीलाई

प्रधानमन्त्रीसंग किम्माथांका नाका खोल्न माग गरेका छौ : वाङछेदर भोटे

किमांथाका नाका यहि सेप्टेम्बरबाट खुल्ने अध्यक्ष वाङछेदर भोटेको खुलासा

आठ पटक सगरमाथा चढेका ज्याम्चाङ भोटेले हिमालबारे कीन भने यस्तो !