Trending
Friday, May 23, 2025
माओवादी केन्द्रका केन्द्रीय सदस्य तथा राजेन्द्र कार्की कोशी प्रदेशबाट मन्त्री बन्ने पक्का भएको छ । लामो समय पछि प्रदेशका मुख्य मन्त्री केदार कार्कीले बुधबार मन्त्रिपरिषद् बिस्तार गर्दे छन् ।
यस अघि पनि प्रदेश मन्त्री बनि सकेका संखुवासभा माओवादी केन्द्रका युवा नेता कार्की भोलिको मन्त्रिपरिषद् बिस्तारमा पुनः मन्त्री बन्ने भएका हुन् । मुख्य मन्त्री कार्कीले नेपाली कांग्रेसबाट दुईजना र माओवादी केन्द्रबाट दुईजना गरी चारजना मन्त्री नियुक्त गर्दे छन् ।
नेपाली कांग्रेसबाट ओखलढुंगाका प्रदीप सुनुवार र उदयपुरका रामकुमार खत्री मन्त्री बन्ने छन भने माओवादी केन्द्रबाट संखुवासभाका राजेन्द्र कार्की र उदयपुरका नारायण बुर्जा मगर मन्त्री बन्नेछन् । युवा नेता राजेन्द्र कार्की बौदिक र सरल स्वभावका नेता मानिन्छन् । प्रधानमन्त्री पुष्पकमल दाहालका विश्वास पात्रको रुपमा पनि कार्कीले आफ्नो छवी बनाएकाछन् ।
यस अघि पनि मन्त्री बनेका कार्की यस पटक पनि मन्त्री बन्ने पक्का भएको छ । उनी माओवादी भित्र प्रभावशाली नेताको रुपमा चिनिन्छन् ।
