कश्मीर एकता दिवसको अवसरमा पाकिस्तानी दूतावासको कार्यक्रम

नेपालस्थित पाकिस्तानी दूतावासले कश्मीर एकता दिवसको अवसरमा काठमाडौंमा एक कार्यक्रमको आयोजना गरेको छ ।

दूतावासले ’कश्मीर एकता दिवस निरन्तरको दमनमा अविचलित लचकता शीर्षकमा कार्यक्रम राखेको हो । कार्यक्रममा सञ्चारकर्मी, लेखकसहित मानव अधिकारकर्मीका विभिन्न समूहले भाग लिएका छन् ।

उनीहरूले आत्मनिर्णयको अधिकारका लागि कश्मीरी जनता संघर्षको सम्बोधनका विषयमा छलफल गरेका थिए । उक्त कार्यक्रममा पाकिस्तानका राष्ट्रपति, प्रधानमन्त्री र विदेशमन्त्रीको सन्देश प्रस्तुत गरीएको थियो । पाकिस्तानका राष्ट्रपति आरिफ अल्वीले पछिल्लो ७६ वर्षमा आत्मनिर्णयको संघर्षमा कश्मीरहरूको लचिलोपनको प्रशंसा गरेका थिए ।

प्रधानमन्त्री अनवर–उल–हक काकरले कश्मीरी जनताका लागि पाकिस्तानको अटुट समर्थन रहेको सन्देश दिएका थिए । पाकिस्तानका विदेशमन्त्री जलील अब्बास जिलानीले आत्मनिर्णयका लागि कश्मीरी जनताको संघर्षमा पाकिस्तानको अटुट समर्थन रहेको बताएका छन् । नेपालका लागि पाकिस्तानका राजदूत अबरार एच हाशमीले जम्मू–कश्मीरका जनताको आत्मनिर्णयका अन्तर्राष्ट्रिय समुदायको भूमिकामा जोड दिए ।

छलफलमा सहभागीहरूले कश्मीको अधिकारका लागि अन्तर्राष्ट्रिय समुदायको चासो र महत्वको बारेमा धारणा राखेका थिए ।