Trending
Saturday, December 7, 2024
नेपाल वायुसेवा निगमले नयाँ जहाज किन्न बोलपत्र आह्वान गरेको छ ।
निगमले सार्वजनिक सूचना गरी तीनवटा जहाज किन्न बोलपत्र आह्वान गरेको हो । आइतवार खुलाइएको बोलपत्रको अन्तिम म्याद मंसिर १९ गतेसम्म छ ।
नेपाल वायुसेवा निगमको संरचनात्मक एवम् व्यवस्थापकीय अध्ययन तथा सिफारिस समितिले नेपाल एयरलाइन्सको सोल्टी होटलमा रहेको सेयर बेचेर जहाज खरिदमा लगानी गर्न सुझाव दिएको थियो ।
संस्कृति, पर्यटन तथा नागरिक उड्डयन मन्त्री सुदन किरातीले प्रतिनिधि सभाअन्तर्गत अन्तर्राष्ट्रिय सम्बन्ध र पर्यटन समितिको बैठकमा दुर्गम क्षेत्रका विमानस्थलमा उडान भर्नका लागि तीन थान ट्वीनअटर जहाज खरिद गर्ने अन्तिम तयारीमा रहेको जनाकारी दिएका थिए ।
उनले निगमले आन्तरिकतर्फ २२ स्थानमा सेवा दिनेगरी जहाज खरिदको प्रक्रिया अघि बढाएको बताउनुभयो । नेपाल वायु सेवा निगमसँग हाल आन्तरिक उडानमा दुई थान ट्वीनअटर जहाज छन् ।
