संखुवासभाको चिचिला गाउँपालिकाले अन्तराष्ट्रिय साँस्कृतिक सम्मेलन गर्दे

संखुवासभाको चिचिला गाउँपालिकाले अन्तराष्ट्रिय साँस्कृतिक सम्मेलन गर्ने भएको छ । गाउँपालिकाले आज पत्रकार सम्मेलन गरी पर्यटन प्रवद्धन गर्ने उद्धेश्यले अन्तराष्ट्रिय सम्मेलन गर्न लागिएको जनाएको छ । गाउँपालिकाका अध्यक्ष पासाङ नुर्वु शर्पाले यहि असोज २७ गते अन्तराष्ट्रिय साँस्कृतिक सम्मेलन गरी पर्यटन प्रर्वद्धन गर्न लागिएको जानकारी दिनुभयो । सम्मेलनमा भारतको आसामबाट आदिबासी समुदाय, कार्भि कुर्फो आमेईको सहभागिता रहने छ । अमेरिका र चीनबाट समेत प्रतिनिधिमुलुक सहभागिता रहने आयोग चिचिला गाउँपालिकाले जनाएको छ । सम्मेलनमा जिल्लाका ९ वटा पालिकाकाका जातजातिहरुको साँस्कृतिक झाँकीहरुसमेत प्रस्तुत गरीने छ । अन्तराष्ट्रिय सम्मेलनमा स्थानीय उत्पादनका स्टलहरु राखिने छन् । सम्मेलनले चिचिला गाउँपालिकाको साँस्कृतिक एंव पर्यटन क्षेत्रमा टेवा पुग्ने विश्वास गरीएको छ । यस अघि पनि गाउँपालिकाले पर्यटन प्रवद्धनको क्षेत्रका बिभिन्न काम गर्दे आएको छ ।
कार्यक्रम चिचिला गाउँपालिकाको आयोजना तथा मकालु साहित्य समाजको संयोजनमा हुन लागेको हो । कार्यक्रममा लोपोन्मुख रहेको हाक्पारे, ठाडो भाका, बिनायो, मुर्चुङ्गा, पिप्पिरी (पात बजाउने) कलाहरु समेत प्रदर्शन हुने गाउँपालिकाका प्रमुख प्रशासकीय अधिकृत शुक्रादेवी राईले जानकारी दिनुभयो । कार्यक्रममा स्थानीय उत्पादन तथा खाद्य पदार्थहरुको प्रदर्शनी पनि राखिने अधिकृत राईले बताउनुभयो । कार्यक्रमको मुख्य उद्देश्य पर्यटन प्रवर्धन रहेको गाउँपालिका अध्यक्ष शेर्पाले जानकारी दिनुभयो ।
गाउँपालिकाले पालिका भित्रको उच्च क्षेत्रको भुभाग उपलब्ध (अस्थायी रुपमा) गराउनु पर्ने र सो क्षेत्रमा उनीहरुको धार्मिक संरचना निर्माण गर्ने सहमति भएको छ । सो स्थानबाट हरेक बर्ष कार्वी समुदाय आएर हिमालको पुजा गर्ने सहमति भएको छ । हरेक बर्ष सय जना भन्दा बढी हिमालको पुजा गर्नकै लागि चिचिला आउँदा त्यस क्षेत्रको स्थानीय उत्पादनले बजार पाउने गाउँपालिकाको अपेक्षा छ । उनीहरुकै माध्ययमबाट पनि पालिकाको प्रचार हुने समेत गाउँपालिकाको अपेक्षा रहेको पालिका अध्यक्ष शेर्पाले बताउनुभयो ।
कार्यक्रममा नेपाल, भारत, चिन र अमेरिकाका प्रतिनीधिहरुसँग साँस्कृतिक विनिमय हुने भएकोले कार्यक्रमको नाम अन्तराष्ट्रिय साँस्कृतिक सम्मेलन राखिएको कार्यक्रमका संयोजक ताराबहादुर बुढाथोकीले जानकारी दिनुभयो । उक्त नाम राख्नका लागि परराष्ट्र मन्त्रालयसँग समन्वय गरिएको समेत बुढाथोकीले जानकारी दिनुभयो ।