Trending
सामुदायिक वन उपभोक्ता महासंघ नेपाल संखुवासभाको अध्यक्षमा लक्ष्मी अधिकारी निर्वाचित हुनु भएको छ । संखुवासभाको तुम्लिङटारमा सम्पन्न ७ औ जिल्ला अधिबेशनले अधिकारीलाई अध्यक्षमा निर्वाचित गरेको हो ।
लक्ष्मी अधिकारीको संयोजकत्वमा ९ वटा नगर तथा गाउँ महासंघमा आबद्ध २ सय ९० वटा सामुदायिक वन उपभोक्ता समितिबाट ७५ जना भन्दा बढी प्रतिनिधिको भेलाले अधिकारीलाई अध्यक्षमा चयन गरेको हो । भेलाले १७ सदस्यीय कार्यसमिति निर्वाचित गरेको छ । उपाध्यक्षमा सरोज राई, कोषाध्यक्षमा चित्रकुमारी श्रेष्ठ, सचिवमा धनबहादुर गुरुङ निर्वाचित हुनु भएको छ ।
बालबिकास आधारभुत बिद्यालय व्यवस्थापन समितिकी अध्यक्ष समेत रहेकी अधिकारी सामाजिक काममा समेत सकृत हुनुहुन्छ । नेपालमा सामुदायिक वन उपभोक्ता महासंघ र वन उपभोक्ता समुहको छुट्टै महत्व छ । अधिकारीले यस अघि पनि जिल्लाका बिभिन्न संघ,संस्थामा रहेर काम गरी सक्नु भएको छ ।