खनिज ईन्धन प्रयोगको अन्त्यको माग गर्दे ललितपुरमा युवाहरुको बिरोध प्रदर्शन

जलवायु परिवर्तन न्यूनिकरणकालागि खनिज इन्धनको अन्त्य आवश्यक रहेकोमा सरोकारवालाहरुले जोड दिएकाछन् । आज ललितपुरमा खनिज इन्धन उत्पादन र इन्धनको प्रयोगको अन्त्यकालागि गरीएको जलवायु मार्चका सहभागिहरुले खनिज अन्त्यकालागी जोड दिएका हुन । खनिज इन्धन अन्त्यकालागि आज बिश्वब्यापी भई रहेको जनपरिचालन अन्र्तगत आज ललितपुरमा पनि पृथ्वी बचाउन माग गर्दे प्रदर्शन गरीएको हो । बढ्दो ग्याँस र तेललाई चरणबद्ध हटाउनुको सट्टा सरकारले बिस्तार गर्दे गएको उनीहरुको आरोप छ । खनिज र इन्धनको छिटो अन्त्य गरी कार्वन अर्थतन्त्रको रुपमा पुनर्निर्माण उनीहरुको माग छ । धनि राष्ट्रहरुले जलवायु संकटमा परेका बिकासोन्मुख मुलुकमाथि बढी दायित्व र भार बोकाएको भन्दै उनीहरुले बिरोध गरेकाछन् । प्रकृति संरक्षण जनचेतना अभियान्ता डा. सुरेश तामाङले खनिज ईन्धनको बिस्थापन बिना जलवायु परिवर्तन न्यूनिकरण असम्भव रहेको बताउनुभयो ।

खनिज इन्धनको न्यायोचित र समानुपातिक अन्त्यको माग गर्दे युवाहरुले ललितपुरको जावलाखेलबाट पाटन दरबारसम्म बिरोध प्रदर्शन गरे । पछिल्लो समयमा जलवायु परिर्वतनको असर विकासोन्मुख मुलुकमा देखा परेको भन्दै साझा मुद्धामा सबै एक भएर लड्नु पर्ने उनीहरुको भनाई थियो । उनीहरुले नविकरणीय उर्जामा जोड दिनु पर्ने माग गरेकाछन् । पृथ्वी बचाउन सबै एकै ठाउँ उभिनु पर्ने उनीहरुको भनाई थियो । सहभागिहरुले पृथ्वीको बढ्दो तापमान प्रति चिन्ता व्यक्त गर्दे साझा मुद्धामा सबैको समान धारणा बन्नु पर्नेमा जोड दिए ।