भोटखोलामा भालुको आक्रमण, अचेत भएकालाई काठमाडौ पठाउने तयारी भएको अध्यक्ष वाङछेदर भोटेद्वारा जानकारी

भालुको आक्रमबाट संखुवासभामा दुईजना गम्भिर घाईते भएकाछन । भोटखोला गाउँपालिका–४ इलामेमा आज दिउँसै भालुले आक्रमण गरेर दुईजनालाई सख्त घाईते बनाएको हो । गम्भिर घाईतेहुनेहरुमा प्रेम गुरुङ र राजमान राई रहेका छन् । गम्भिर घाईते भएका उनीहरुको स्थानीय गोला प्राथमिक स्वास्थ्य केन्द्रमा प्रारम्भिक उपचार गरी गाउँपालिकाको सहयोगमा जिल्ला सदरमुकाम खाँदबारी पठाईएको भोटखोला गाउँपालिकाका अध्यक्ष वाङछेदर भोटेले जानकारी दिनुभयो । मकालुबरुण राष्ट्रिय निकुञ्ज क्षेत्रबाट आएर भालुले आक्रमण गरेको बताईएको छ ।

आफ्नो खोरियाबारीमा काम गरी रहेको अवस्थामा भालुले आक्रमण गरेको थियो । राजमान राईभने अझै अचेत अबस्थामा रहेकाछन् । गम्भिर घाईते भएका दुबैजनालाई उपचारकालागि काठमाडौ पठाउने तयारी भई रहेको अध्यक्ष भोटेले जानकारी दिनुभयो । भोटखोला क्षेत्रमा बर्षेनी निकुञ्जका कारण जंगली जनावरको आक्रमणमा परि सर्वसाधरणले आफ्नो घरायसी काम गर्दासमेत ज्यान गुमाउनु परेको अवस्था छ । सख्त घाईतेलाई क्षतिपुर्तिसहितको व्यवस्थाकालागि निकुञ्जसंग पहल गरीने अध्यक्ष भोटेले बताउनुभयो ।