नाट्टा कोशी प्रदेशको अध्यक्षमा पुण्य प्रसाद भट्टराई निर्वाचित

नेपाल एसोसिएसन अफ टुर एण्ड ट्राभल एजेन्ट्स (नाट्टा) कोशी प्रदेशको अध्यक्षमा पुण्य प्रसाद भट्टराई निर्वाचित भएकाछन । नाट्टाको विराटनगरमा सम्पन्न ११ औँ वार्षिक साधरणसभा तथा ७ औँ अधिवेशनबाट भट्टराई अध्यक्षमा निर्वाचित भएका हुन । अध्यक्षमा निर्वाचित भट्टराई यसअघि नाट्टाको वरिष्ठ उपाध्यक्ष रहेका थिए । अधिवेशनबाट वरिष्ठ उपाध्यक्षमा शेखर ढकाल, उपाध्यक्षमा सजीत तामाङ, महासचिवमा नवराज खरेल, सचिवमा जीवन पराजुली, कोषाध्यक्षमा सुरेन्द्र भण्डारी सर्वसम्मत निर्वाचित भए । यस्तै सदस्यहरूमा मोहन सेलवाल, धर्म सिवाकोटी, गौरव श्रेष्ठ र गोपाल खड्का निर्वाचित भएका छन । अध्यक्षमा निर्वाचित भएपछि भट्टराईले कोशी प्रदेशको पर्यटकीय क्षेत्रको प्रवर्द्धन र विकासमा सरकारसँग हातेमालो गरेर अगाडी बढ्ने बताए । नाट्टा कोशीमा ६० जना सदस्य आवद्ध रहेका छन् ।