बंगाली पर्यटकलाई पञ्चेबाजासहित भव्य स्वागत गरियो

नेपाल पर्यटन बोर्डले पहिलो पटक नेपाल आएका बंगलादेशी पर्यटकहरूलाई पञ्चेबाजा सहित स्वागत गरेको छ । बोर्डले आज त्रिभूवन अन्तर्राष्ट्रिय विमानस्थलमा पन्चेबाजा सहित भव्य स्वागत गरेको हो ।
आउने कुल ३ सय जना पर्यटक मध्ये आज १ सय ७० बंगाली पर्यटकको स्वागत गरिएको हो । नेपाल भ्रमण गर्न पाउँदा पर्यटकहरु निकै नै उत्साहित देखिएका छन् । नेपालको सुन्दरता हेर्न र नेपाली खाना खान आफुहरु धेरै नै उत्साहित भएको बंगाली पर्यटकहरुको भनाइ छ । पछिल्लो समय नेपाल पर्यटकीय आकर्षणको केन्द्र बन्दै गएको छ ।