Trending
Thursday, July 17, 2025
डिभिजन वन कार्यालय मोरङका शसस्त्र वन रक्षक सुबेदार कुमार बस्नेतलाई यस बर्षको गणेशबहादुर शाही संरक्षण राष्ट्रिय पुरस्कार २०८० प्रदान गरीएको छ ।
वनको संरक्षण, दीगो उपयोग, वातावरण सन्तुलन तथा जैविक विविधता संरक्षणमा पु¥याएको महत्वपूर्ण योगदानको उच्च कदर गर्दै २०८० को गणेश बहादुर शाही संरक्षण राष्ट्रिय पुरस्कार प्रदान गरीएको हो । वन तथा भू–संरक्षण विभागले आयोजना गरेको समारोहमा बस्नेतलाई पुरस्कृत गरिएको हो ।
बस्नेतलाई ताम्रपत्र तथा नगद ५० हजार रुपैयाँ राशिको पुरस्कार वन तथा वातावरण मन्त्री डा. वीरेन्द्र प्रसाद महतोले प्रदान गरेका हुन् ।
देश भरका वन मन्त्रालयका कर्मचारीबीच आन्तरिक प्रतिस्पर्धामार्फत छनौट गरिने उक्त पुरस्कार यसपटक बस्नेतलाई प्रदान गरिएको हो ।
सलकपुर मोरङका स्थायी वासिन्दा बस्नेतले वन कार्यालयमार्फत राष्ट्रसेवामा प्रवेश गरेको तीन दशक भयो । पुरस्कार प्राप्त भएपछि राज्यले गरेको सम्मानप्रति खुशी व्यक्त गर्दै अझ उत्साहका साथ काम गर्ने हौसला मिलेको बस्नेतको भनाइ छ ।
