पाकिस्तान राजदूतावासद्धार जम्मु कश्मिर बारे बहस कार्यक्रमको आयोजना

पाकिस्तानी राजदूतावासले आज कश्मीरीहरूको यूम ए इस्तेसल विषयक कार्यक्रम गरेको छ । कार्यक्रममा प्रतिष्ठित लेखक, सञ्चारकर्मी, पाकिस्तानी डायस्पोरा र विश्लेषकहरूका साथै नागरिक समाजका प्रतिनिधिहरूको उपस्थिति थियो।

कार्यक्रममा बोल्दै, राजदूत अबरार एच हाश्मीले महत्वपूर्ण घटनाक्रम र भारतको छ अगस्ट २०१९ को कारबाही र विवादित क्षेत्रमा मानवअधिकार उल्लङ्घनको चिन्ताजनक तीव्रताको बारेमा अन्तर्राष्ट्रिय विश्वव्यापी प्रतिक्रियाहरूका बारेमा आफ्नो धारणा राखे । उनले वर्तमान भारतीय व्यवस्थाले चुनावी लाभका लागि ‘फल्स फ्ल्याग अपरेशन गरेर बहुमतलाई दबाएको आरोप लगाए ।

आत्मनिर्णयको अधिकारको केन्द्रविन्दु र संयुक्त राष्ट्रसंघीय सुरक्षा परिषद्को प्रस्तावमा प्रकाश पार्दै राजदूत हाश्मीले सन् २०१९ को अगस्ट र त्यसपछि जनवरी २०२० मा भएको विभिन्न छलफललाई उल्लेख गरे।

सहभागीहरूले कब्जा गरेको जम्मु र कश्मीर र गम्भीर मानवअधिकार उल्लङ्घनलाई जोड दिए। विशेष गरी संयुक्त राष्ट्रसंघीय मानवअधिकार उच्चायुक्तको कार्यालय, ईयू, ह्युमन राइट्स वाच, एम्नेस्टी इन्टरनेशनल र इस्लामिक देशहरूको संगठन ओआईसीद्वारा उनीहरूको व्यापक अन्तर्राष्ट्रिय निन्दालाई उल्लेख गरे ।

छलफलमा सहभागीहरूले जम्मु कश्मीरका जनताको चाहना र संयुक्त राष्ट्रसंघीय सुरक्षा परिषदको प्रस्तावअनुसार विवादको समाधान गर्न आग्रह गरे। क्षेत्रीय शान्ति सुरक्षाका लागि दशकौंदेखि सबैभन्दा ठूलो चुनौती बनेको विवाद समाधान गर्न तत्कालै जोड दिनुपर्नेमा पनि उनीहरुले जोड दिए ।

उनीहरुले जम्मू कश्मीरका जनताको आत्मनिर्णयको अधिकार सहितको अधिकारको रक्षा र सुनिश्चित गर्ने महत्वपूर्ण जिम्मेवारी अन्तर्राष्ट्रिय समुदायको रहेको बताए । भारतले गैरकानुनी रूपमा कब्जा गरेको जम्मु कश्मीरका शहीदहरूप्रति श्रद्धाञ्जली अर्पण गर्दै एक मिनेट मौनधारण गरिएको थियो।