Trending
संखुवासभाको भोटखोला गाउँपालिकामा पशु चौपायामा फैलिएको लम्पि स्किनबिरुद्धको खोप लाउन थालिएको छ । संखुवासभाको सदरमुकाम खाँदबारीबाट दुर्गम भएका कारण लम्पि स्किनबिरुद्धको खोप लगाउन ढीलाई भएको हो ।
अहिले गाउँपालिकाको बिभिन्न वडामा धमाधम खोप लगाउने काम भई रहेको अध्यक्ष वाङछेदर भोटेले बताउनुभयो । भोटखोला वार्ड नम्बर–३ हटीया हुङगुङका पशुचौपायामा पनि लम्पि स्किनबिरुद्धको खोप लगाईएको छ ।
वडास्तरबाट भ्याक्सिन चक्की मलमहरुको माध्मद्धारा औषधि उपचार थालि सकीएको छ । लम्पि स्किनका कारण धेरै पशुचौपाया मर्न थालेपछि यस्को प्रभावकारी उपचारकालागि तिब्र रुपमा खोप लगाउने काम भई रहको छ ।
लम्पि स्किन रोग संखुवासभाका सबै नगरपालिका र गाउँपालिकामा देखिएको छ । भोटखोलमा लम्पि स्किन बिरुद्धको खोप लगाउन थालेपछि स्थानीय पशुपालक किसान पशुमा देखिएको रोग निको हुने आशले खुशी देखिएकाछन् ।