सानिमा बैंकको सानिमा ‘फाइभ इन वन’ सेवा

सानिमा बैंकले ग्राहकका लागि सानिमा ‘फाइभ इन वन’ सेवा सार्वजनिक गरेको छ । बैंकका अनुसार सानिमा ‘फाइभ इन वन’ सेवा सानिमा ‘थ्री इन वन’ खाताको परिष्कृत गरिएको खाताको नयाँ स्वरुप हो ।

यस सेवामा बचत खाता, डिम्याट खाता, सेयर ट्रेडिङ खाता, सि आस्वा र मेरो सेयरको संयोजन रहेको बैंकले जनाएको छ । सानिमा बैंकले सानिमा क्यापिटलसँगको सहकार्यमा यो सेवा प्रदान गरेको हो ।

यस सेवाले बैंकको वेवसाइटमा उपलब्ध अनलाइन प्लेटफर्ममार्फत डिम्याट खाता, सेयर ट्रेडिङ खाता, सी–आस्वा, मेरो सेयर र दोस्रो बजारबाट सेयर खरिद तथा बिक्री गर्न बैंकका नयाँ तथा पुराना ग्राहकहरूलाई सहज बनाउँछ ।

सानिमा बैंकले ग्राहकलाई सहज र सरल रुपमा डिजिटल सेयर ट्रेडिङ प्लेटफर्म उपलब्ध गराउने उद्देश्यले यो पहल गरेको हो ।