Trending
Monday, November 17, 2025
प्रधानमन्त्री पुष्पकमल दाहालले भ्रष्टाचार र तस्करीका बिरुद्ध जेहाद छेड्ने कदम नरोकिने बताएका छन् ।
आइतबार समाजवादी मोर्चामा आबद्ध पार्टी निकटका विद्यार्थी संगठनहरुले आयोजना गरेको कार्यक्रमलाई सम्बोधन गर्दै प्रधानमन्त्री दाहालले भ्रष्टाचार र तस्करीका बिरुद्ध जेहाद छेड्ने क्रम नरोकिने बताएका हुन् ।
उनले सरकारले भ्रष्टाचार, तस्करी, राज्यको सम्पती दोहन, शोषण र बेथितिहरुका बिरुद्धमा जेहाद छेडिरहेको बताए । यहाँले सरकारको यो कदम निरन्तर अगाडी बढ्ने स्पष्ट पारे । उनले आगामी दिनमा भ्रष्टाचारका अरु फाइलहरु पनि खुल्दै जाने बताए ।
प्रधानमन्त्री दाहालले सरकारले थालेको यस लडाइँमा आम जनताको पनि साथ आवश्यक भएको भन्दै साथ दिन आग्रह पनि गरे ।
उनले भने, – ‘जसरी अहिले भ्रष्टाचार बिरोधी या राज्यका सम्पत्ति व्यक्तिले दोहन गर्ने, शोषण गर्ने जो बेथितिका बिरुद्ध या तस्करीका विरुद्ध एउटा जेहाद छेडिएकै छ । म तपाईहरुलाई विश्वास दिलाउन चाहन्छु, यो कदम यहीँ रोकिनेवाला छैन । यो कदम निरन्तर अगाडी बढ्नेवाला छ ।
