भोटखोलामा फैलिएको लम्पिस्किन नियन्त्रण गर्न कुनै कसर बाँकी नराख्ने अध्यक्ष भोटेको प्रतिबद्धता

भोटखोला गाउँपालिकाका अध्यक्ष वाङछेदर भोटेले लम्पि स्किन महामारी रोगले भोटखोलामा ठुलो क्षति पु¥याउदै गएकोमा चिन्ता व्यक्त गर्नु भएको छ ।

उनले सामाजिक सञ्जालमा स्टाटस लेख्दै भोटखोला गाउपालिकाको ५ वटै वडामा लम्पिस्किन रोगले ग्रसित बनाएकोमा चिन्ता व्यक्त गरेका हुन । प्रत्यक वडाले १ लाख बराबारको औषधि किनेर आ– आफ्नो वडामा लैजाने योजना रहेको उनले उल्लेख गरे । २ नम्बर वडाले औषधि गाउमा पुर्याएर सकेसम्मको उपचार गरिरहेको पनि उनले उल्लेख गरेका छन ।

साउन १४ गते औषधि सहित वडा नम्बर ४ र ५ हेर्ने गरि थप एक जना पशु स्वास्थ्य कर्मचारीको व्यवस्थापन गरेको उनको भनाई छ । वडा नम्बर ३ र २ को चेपुवा हेर्ने गरि १६ गते औषधि सहित थप पसु स्वास्थ्य कर्मचारी पुग्ने अध्यक्ष भोटेले बताए । वडा नम्बर २ र १ हेर्ने गरि गाउपालिकाको पशु स्वास्थ्य शाखा प्रमुख लाफ्साङ भोटे खटी रह्नु भएको छ ।

हामी संग पशु स्वास्थ्य जनशक्ती नभएकोले ब्यबस्थापन गर्न ढिलो भएको स्वीकार्दे जनताहरुलाई उचित समयमा सेवा पुर्याउन नसकेकोमा क्षमा समेत मागेका छन । यो रोगबाट अहिले सम्म १६ वटा गाइबस्तु र चौरी मरेको भन्दै यसलाई चाडै निमुर्ल गरीने उनको भनाई छ । । यहाँका ४ सय ५० भन्दा बढिलाई उपचार गराइ सकेको पशु स्वास्थ्य शाखा प्रमुख लाफ्साङ्ले बताए । यो महामारी रोग बिरुद्ध स्थानिय सरकारको प्रयास मात्र सम्भव नहुने भन्दै प्रदेश र संघीय सरकारसंग पनि कुरा राखेको अध्यक्ष वाङछेदर भोटेको भनाई छ ।

पशु पालक कृषकहरुले पनि रोग लागि सकेको बस्तुलाई सकेसम्म अलक राखी दिन भोटेले आग्रह गरेका छ । लम्पि स्किन रोग अहिले राष्ट्रिय व्यापी रुपमा फैलदै गएको छ । संघीय सरकार, प्रदेश सरकारले पनि यो रोगबाट किसानमा पु¥याएको क्षति अपुरणिय भएको भन्दै चाडै नियन्त्रणमा आउने आश्वासन दिएका छन् । अझ कोशी प्रदेशका अन्य जिल्लामा यो रोग बढी फैलिएको छ ।

अध्यक्ष भोटेले आफू किसानको छोरो भएकाले यस रोगबाट किसानलाई पुगेको क्षतिको बारेमा आफू जानकार रहेको भन्दै नियन्त्रण गर्न कुनै कसर बाँकी नराख्ने आश्वासन दिएका छन ।