प्यूठान मासु तथा अण्डा उत्पादनमा आत्मनिर्भर

प्यूठानमा मासु तथा अण्डा उत्पादनमा बृद्धि हुँदै गएको छ । पछिल्ला केहि वर्ष अघिसम्म जिल्ला बाहिरवाट मासु तथा अण्डा आयात गर्दै आएकोमा अहिले आत्मनिर्भर भएको छ ।

पछिल्लो केहि वर्षयता मासु तथा अण्डा प्यूठानबाट अन्य जिल्लामा निर्यात हुन थालेको छ । एकिकृत कृषि तथा पशुपंछी कार्यालय प्यूठानले आर्थिक वर्ष २०७८र७९ मा उत्पादन बढेर ३ हजार ४ सय १३ मेट्रिक टन पुगेको जनाएको छ ।

जिल्लालाई वार्षिक ३ हजार २ सय मेट्रिक टन आवश्यक पर्ने भएपनि मासु उत्पादनमा बृद्धि भएसँगै प्यूठान मासुमा आत्मनिर्भर भएको हो । किसानहरु बाख्रापालन तथा कुखुरापालन व्यवसायतर्फ आकर्षित भएपछि जिल्ला बाहिर निर्यात गर्ने अवस्थामा पुगेको एकीकृत कृषि तथा पशुपन्छी कार्यालय प्यूठानका पशुचिकित्सक हरिनारायण थारुले बताए ।

केहि समय पहिलासम्म जिल्लाको माग धन्न नसक्दा विभिन्न जिल्लाबाट खसी,राँगा तथा कुखुरा आर्यात हुँदै आएको थियो । प्रतिब्यक्ति वार्षिक १४ केजी मासु आवश्यकता पर्ने भएपनि प्यूठानमा त्यो भन्दा बढी मासु उपलब्ध भएको एकिकृत कृषि तथा पशुपन्छी कार्यालयले जनाएको छ ।