Trending
Saturday, December 6, 2025
सभापति शेरबहादुर देउवाले धुम्बाराहीस्थित आफ्नै निवासमा नेपाली कांग्रेस पदाधिकारीको बैठक बोलाएका छन् । सभापति देउवाले मंगलबार अपरान्ह ४ बजे धुम्बाराहीमा बस्ने गरी पदाधिकारी बैठक बोलाएको जानकारी मुख्य सचिव कृष्णप्रसाद पौडेलले बताए ।
पौडेलका अनुसार बैठकको एजेण्डामा समसामयिक राजनीति, गत मंगलबारदेखि जारी केन्द्रीय कार्यसमिति बैठकसहित रहेका छन् । यसअघि केन्द्रीय कार्यालय सानेपामा जारी केन्द्रीय कार्यसमिति बैठकमा नेताहरुले सभापति देउवाले पार्टीलाई सानेपामा भन्दा धुम्बाराहीमा केन्द्रित गरेको भन्दै आलोचना गरेका थिए ।
नेताहरुको आलोचनाबीच सभापति देउवाले फेरि पदाधिकारी बैठक आफ्नै निवासमा बोलाएका हुन् । यसअघि पदाधिकारी, केन्द्रीय कार्यसम्पादन समिति र संसदीय दलका पदाधिकारीहरुको बैठक धुम्बाराहीमै राख्ने गरेका थिए ।
