भोटखोलामा टुजीसेवासंगै चाडै फोरजीसेवा सञ्चालनमा ल्याउने अध्यक्ष भोटेको प्रतिबद्धता

संखुवासभाको किम्माथांकामा नेपाल टेलिकमले टुजी सेवा सञ्चालन गरेको छ । चीनको सीमावर्ती किमाथांकामा टेलिकमले टुजीसेवा एकहप्ता अघिबाट सञ्चालनमा ल्याएको हो ।

दुर्गम र पछिडिएको उत्तरी क्षेत्र भोटखोलाको किमाथांका नाकामा सेवा सञ्चालन भएपछि स्थानीयवासी लाभान्वित हुने बिश्वास गरीएको छ । यसअघि भोटखोलाका केही क्षेत्रका स्थानीयले नेपाल टेलिकमको सीडीएमए सेवा र चिनियाँ सिमकार्ड प्रयोग गर्दै आएको बताईएको छ ।

टेलिकमले सेवा सञ्चालन गरेपछि स्थानीयबासी खुशी भएकाछन् । भोटखोला गाउँपालिकाका अध्यक्ष वाङछेदर भोटेले एक हप्ता अगाडीदेखि टुजी र अब चाडै फोरजीसेवा सञ्चालन हुने बाताए । उनले भोटखोला क्षेत्रमा भरपर्दो उन्ले बाह्रै महिना भोटखोलाबासीलाई सञ्चार सुविधा उपलब्ध गराउने लक्ष्य गाउँपालिकाको रहेको पनि बताएकाछन् ।

भौगोलिक कठिनाई भएका कारण सदरमुकाम खाँदबारीमा सेवा सुरु भएको दुई दशकपछि किमाथांकामा फोरजीसेवासमेत सञ्चालनको तयारी गरीएको हो । बाढी पहिरो र बाटो अबरुद्ध हुँदा भोटखोलाबासी पटक पटक सञ्चार सम्पर्कबाट बाहिर रहदै आएकाछन् ।