सांसद खड्काद्धारा बाढीले हेवा र पिलुवाखोलामा बगाएको पुल चाडो बनाउन मन्त्री ज्वालाको ध्यानाकर्षण

संखुवासभाका सांसद दिपक खड्काले संखुवासभामा बाढीका कारण भएको क्षतिबारे आज भौतिक पूर्वाधार तथा यातायात मन्त्री प्रकाश ज्वालालाई भेटी अवगत गराएका छन ।

मन्त्रालय पुगेर खड्काले बाढीका कारण हेवाखोला, पिलुवाखोलामा रहेको पक्की पुल बगाएको भन्दै बेलीबृज निर्माण तत्काल गर्न मन्त्री ज्वालाको ध्यानाकर्षण गराएका हुन । बाढीका कारण भएको क्षतिबारे अध्ययन भई रहेको र मृतकका परिवारलाई राहत दिन पनि उनले आग्रह गरेका छन ।

पुल नबन्दा आवतजावतमा समस्या भएको भन्दै बेलिबृज जतिसक्दो चाडो निर्माण गर्नु पर्ने उनको आग्रह थियो । मन्त्री ज्वालाले अध्ययन गरेर चाडै कामलाई अगाडी बढाईने बताए ।

सांसद खड्कासंगै नगर प्रमुख बिपिन राई, नेपाली कांग्रेस महाधिवेशन प्रतिनिधि थिरबहादुर राई, क्षेत्रिय सभापति दिपेन्द्रमान शाक्य, क्षेत्रिय सचिव चित्रप्रसाद श्रेष्ठ, पुर्व पार्टी सचिव डम्बर बस्नेतलगायतले पुल नहुँदा सर्वसाधरणले भोग्नु परेको समस्याको बारेमा मन्त्रीको ध्यानाकर्षण गराएका थिए ।