file photo

यस वर्षको बसन्तकालीन सिजनमा पथ प्रदर्शकसहित ६ सय ४४ आरोहीले सर्वोच्च शिखर सगरमाथाको शिखरमा पुगेका छन् ।

चुचुरोमा पुग्नेहरू १३ नेपालीसहित २८७ आरोही र तीन सय ५९ पथप्रदर्शक रहेको पर्यटन विभागले जनाएको छ । एउटै सिजनमा यति धेरै आरोहीहरू सगरमाथा चुचुरोमा पुगेको इतिहासमै पहिलो पटक हो  ।

सन् १९५३ मे २९ मा तेन्जिङ नोर्गे शेर्पा र एडमण्ड हिलारीले पहिलोपटक सगरमाथाको आरोहण गरेका थिए  । सगरमाथा आरोहण गर्ने कुल आरोहीमध्येमा महिलाको संख्या ६१ रहेको छ  ।

आरोहीलाई चुचुरोसम्म पु¥याउने ३५९ पथप्रदर्शक सबै पुरुष रहेका छन् । छिटपुट रूपमा केही गाइडहरू सम्पर्कमा नआएर सूचीमा छुटेको पनि हुन सक्ने विभागको भनाइ छ ।

यस सिजनका लागि ३७६ देशका ४७८ जनाले सगरमाथा आरोहणका लागि अनुमति लिएका थिए । यसअघि सन् २०१३ मा शरद् र वसन्त सिजनमा २४२ आरोही र ३३६ गाइड गरी ४६१ जना सगरमाथा चुचुरोमा पुगेका थिए ।

सन् २०१८ मा २६२ आरोही र २९८ गाइड गरी ५६०, सन् २०१९ मा २८० आरोही र ३६४ गाइड गरी ६४४ जनाले शिखर चुमेका थिए । भूकम्पका कारण सन् २०१५ र कोभिड महामारीका कारण सन् २०२० मा सगरमाथा आरोहण नै खुलेन  ।

सन् २०२१ मा १८३ आरोही र २७६ गाइड गरी ४५९ ले सगरमाथा शिखरमा पुगेका थिए । यस वर्षको वसन्तकालीन सिजनमा सगरमाथासहित विभिन्न १० वटा हिमालको सफल आरोहण भएको छ  ।

१० हिमालको शिखर चुम्नेमा १३ महिलासहित ४७० (आरोही र गाइड) जना रहेका छन् । कुल आरोहीमध्येमा आरोहीको संख्या ४७० र गाइडको संख्या ५१३ रहेको छ । हिमाल आरोहण गर्नेमा अधिकांश विदेशी (गाइडबाहेक) नागरिक रहेका छन्  ।

कञ्चनजंघामा आरोहीलाई शिखर पुर्‍याउनेमा एकजना महिला पथप्रदर्शक रहेको विभागले जनाएको छ । वसन्त सिजनमा लोत्से हिमालमा ५२ आरोही पुगेका छन् ।

मकालुमा आरोही र गाइड गरी ७२, कञ्चनजंघामा २९, धौलागिरिमा २१, आमादब्लममा ४४, अन्नपूर्ण फस्ट ७५, हिमलुङ ४१, मनास्लु १ र पुमोरी हिमाल दुईजनाले आरोहण गरेका छन् ।

मङ्लबार, २६ असार, २०८० गते

Comments

सम्बन्धित खवर

लोकप्रिय

धेरै पढिएको

संघर्षशिल युथ क्लबको दास्रो अधिवेशन सम्पन्न, अध्यक्षमा डुबा भोटे

किमाथांका नाका खोल्न परराष्ट्र मन्त्री साउदसँग सांसद दिपक खड्काको माग

संखुवासभाका अन्तराष्ट्रिय पदक विजेता नेपाली धावक निमेश गुरुङ सम्ममानित

राबा बैकको लोगोसंगै कार्यकारी प्रमुख किरण श्रेष्ठको तस्वीरले चुम्यो अफ्रिकाको चुचुरो

बर्दिवासको घाम बोलको गितमा गायक वाङछिरीङ भोटियाको अर्को सफलता

चुनौतिसंगै लाक्पा शेर्पा अर्को कीर्तिमान राख्न सातौ पटक मकालु हिमालको आरोहणमा

अन्तरपालिका स्तरिय फुटसल प्रतियोगिताको उपाधि धर्मदेबीलाई

प्रधानमन्त्रीसंग किम्माथांका नाका खोल्न माग गरेका छौ : वाङछेदर भोटे

किमांथाका नाका यहि सेप्टेम्बरबाट खुल्ने अध्यक्ष वाङछेदर भोटेको खुलासा

आठ पटक सगरमाथा चढेका ज्याम्चाङ भोटेले हिमालबारे कीन भने यस्तो !