भोटखोला गाउँपालिकाद्धारा आर्चरी खेलाडी सम्मानीत

संखुवासभाको भोटखोला गाउँपालिकाले खेलाडीहरुलाई सम्मानीत गरेको छ । कोशी प्रदेश स्तरीय नवौं आर्चरी खेलकुद प्रतियोगिता अन्र्तगत प्रथम स्थान प्राप्त गर्ने पालिकाका आर्चरी खेलाडीहरुलाई गाउँपालिकाका अध्यक्ष वाङछेदर भोटेले आज एक कार्यक्रमकाबीच सम्मानीत गर्नुभयो । भोटखोला गाउँपालिका आयोजक र संखुवासभा जिल्ला आर्चरी संघ सहआयोजक रहेको कार्यक्रममा प्रदेश सांसद राजेन्द्र कार्कीले स्वर्ण पदक प्राप्त गर्ने खेलाडीहरुलाई सम्मानीत गर्नुभएको थियो ।

आर्चरी खेलका टिम क्याप्टेन पासाङ भोटे, जोजो भोटे, ङादर भोटे, गुरु भोटेले स्वर्ण पदक प्राप्त गर्दे आर्चरी खेललाई जिवन्त राख्न भूमिका खेल्नु भएको थियो । पछिल्लो समय आर्चरी खेलले खेल क्षेत्रमा आफ्नो छुट्टै स्थान बनाउदै आएको छ । संखुवासभा आर्चरी संघले बिभिन्न पर्व, महोत्सवको अवसरमा खेल क्षेत्रको बिकास गर्ने उद्धेश्यले आर्चरी खेलको प्रतिश्प्रधा गराउदै आएको छ । गाउँपालिकाका अध्यक्ष वाङछेदर भोटेले भोटखोला खेल क्षेत्रमा अगाडी बढ्दै गएकोमा खुशी व्यक्त गर्नुभयो । उहाँले पालिकाले खेल क्षेत्रको बिकास र युवाहरुको बिकासकालागि प्राथमिकता दिने गरेको पनि बताउनुभयो ।