संखुवासभाको चैनपुर नगरपालिकाले पूर्ण खोप तथा दिगोपना घोषणा कार्यक्रम सम्पन्न गरेको छ । चैनपुर नगरपालिका भित्रका सबै १६ देखि ५९ महिनाका बालबालिकालाई १५ महिना भित्र पाउनु पर्ने सवै खोप यस आर्थिक बर्ष २०७९÷८० मा पुरा गराउन सफल भएको छ । अभिभावक, स्वास्थ्यकर्मी, महिला स्वयंसेवीका, जनप्रतिनिधि तथा खोप समन्वय समिति आफ्नो लक्ष्य पुरा गर्न सफल भएको हो । आगामी आर्थिक बर्षमा पनि पूर्ण खोप सुनिश्चितता तथा दिगोपना कायम राख्ने प्रतिबद्धता व्यक्त गरीएको छ । कार्यक्रममा संखुवासभा जिल्ला समन्वय समितिका अध्यक्ष सुमन शाक्यले तोकीएकै

समयमा उत्साहप्रद रुपमा खोप कार्यक्रम सम्मपन्न भएकोमा खुशी व्यक्त गर्नुभयो । उहाँले बालबालिकाकालागि खोप महत्वपूर्ण भएको भन्दै सफल बनाउन भूमिका खेल्ने सबैलाई धन्यवादसमेत दिनुयभयो । जिल्ला समन्वय समितिकी उपाध्यक्ष बबिता अधिकारीले खोप सफल बनाउन चैनपुर नगरपालिका र महिला स्वयंसेवीकाको भूमिका महत्वपूर्ण रहेकोमा जोड दिनुभयो । चैनपुर नगरपालिकाका मेयर कृष्ण तामाङले बिकट क्षेत्रमा पुगेर स्वयंसेवीकाले समयमै खोप कार्यक्रमलाई सफल बनाउन खेलेको भूमिकाको प्रशंसा गर्नुभयो । उहाँले आगामी आर्थिक बर्षमा समेत यस्तै उत्साहपूर्वक सहयोग गर्न र समयमै पूर्ण खोप सम्पन्न गर्न सहयोगकोलागि आग्रहसेमत गर्नुभयो । कार्यक्रमका सहभागिहरुले पूर्णखोप प्रतिबद्धता पत्रमा हस्ताक्षर गरेको चैनपुर नगरपालिका खोप समन्वय समिति चैनपुरले जनाएको छ ।