पाकीस्तानी दुतावासले ललितपुरमा गरेको निःशुल्क स्वास्थ्य शिविरमा चारसय बढी लाभान्वित

नेपालस्थित पाकीस्तानी दुतावासले आज निःशुल्क स्वास्थ्य शिविर आयोजना गरेको छ । नेपाल–पाकीस्तान मैत्री तथा साँस्कृतिक संघ एनपिएफसीएको सहकार्यमा निःशुल्क शिविर आयोजना गरीएको हो । ललितपुरको गोदावारीस्थित श्री सिद्धेश्वर आधारभुत बिद्यालय किटीनीमा सिनियर चिकित्सकसहितको स्वास्थ्य शिविर आयोजना गरीएको थियो । पाकिस्तानी दुतावासले गरेको यो १८ औं निःशुल्क चिकित्सा शिविर हो । शिविरमा पुर्व छात्रा, डक्टर र दक्ष स्वास्थ्यकर्मीहरुले ४ सय भन्दा बढी पुरुष, महिला र बालबालिकाहरुलाई निःशुल्क सेवा प्रदान गरेका थिए । जटील खालका बिरामीहरुलाई भने ३ महिनाको लागी औषधि उपलब्ध गराईएको थियो । शिविरमा पाकीस्तानी चार्ज डी, अफेयरर्स ए अमिर अलिले शिविरको माध्यमबाट दुई देशका जनताबीचको सम्बन्ध बलियो हुदै जाने बिश्वास व्यक्त गर्नुभयो । उहाँले आगामी दिनमा समेत नेपाल–पाकीस्तानको सम्बन्ध अझै समधुर हुदै जाने पनि बताउनुभयो । नेपाल–पाकीस्तान मैत्री तथा साँस्कृतिक संघका अध्यक्ष डा. मञ्जुरत्न शाक्यले पाकीस्तान सरकारले नेपालको शिक्षा र स्वास्थ्यको क्षेत्रमा पुर्याएको योगदानको प्रशंसा गर्नुभयो । पाकीस्तानले नेपालका बिभिन्न दुर्गम स्थानमा स्वास्थ्य सेवाको पहुँचबाट टाढा रहेका बिपन्न जनतासम्म पुगेर निःशुल्क स्वास्थ्य शिविर आयोजना गर्दे आएको छ ।