पाकीस्तानी राजदुतावासद्धारा निबन्ध प्रतियोगिताका उत्कृष्ट बिद्यार्थी पुरस्कृत

नेपालस्थित पाकिस्तानी राजदूतावासले पाकिस्तानको १०औँ वार्षिक निबन्ध लेखन प्रतियोगिता र छैठौं वार्षिक राजदूत अफ पाकिस्तान भाषण प्रतियोगिताको पुरस्कार वितरण गरेको छ । राजदूत अबरार एच हाश्मीले विद्यार्थीहरुलाई पुरस्कार प्रदान गर्नुभयो । यस वर्ष निबन्ध लेखन प्रतियोगिताको विषय ‘सार्क–कसरी सदुपयोग गर्न सकिन्छ क्षेत्रीय समृद्धि’ भन्ने थियो । निबन्ध लेखन प्रतियोगितामा प्रथम, द्वितीय र तृतीय स्थान हासिल गर्ने विद्यार्थीहरूलाई स्वर्ण, रजत र कास्य पदकसहित स्मृति चिन्ह र नगद पुरस्कार प्रदान गरिएको थियो । त्यसपछिका दश उत्कृष्ट विद्यार्थीलाई पनि सान्त्वना नगद पुरस्कार प्रदान गरिएको थियो । “हाम्रो जीविकोपार्जनमा जलवायु परिवर्तनको प्रभाव – दक्षिण एसियामा साझा चुनौती” विषयक वक्तृत्व प्रतियोगितामा उत्कृष्ट हुनेलाई पनि स्वर्ण, रजत, कांस्य पदकका साथै स्मृति चिन्ह र नगद पुरस्कार प्रदान गरिएको थियो । त्यसपछिका तेह्र उत्कृष्ट विद्यार्थीहरूले पनि स्मृति चिन्ह र नगद पुरस्कार प्राप्त गरे।
दुवै प्रतियोगितामा ३८ उच्च माध्यमिक विद्यालयदेखि विश्वविद्यालयका विद्यार्थीसम्म नेपाली विद्यार्थीहरुको राम्रो संख्यामा सहभागिता रहेको थियो । राजदूत हाश्मीले सहभागी विद्यार्थीहरूको आलोचनात्मक सोचको प्रशंसा गर्दै भविष्यका चुनौतीहरूलाई आत्मसात गर्न आह्वान गर्नुभयो । राजदूतले दुई देशबीचको युवा अन्तरक्रियाको महत्वलाई चिरस्थायी पुलको रुपमा पनि उजागर गर्नुभयो ।
विगत पाँच र १० वर्षदेखि क्रमशः हरेक वर्ष आयोजना हुने यी दुई प्रतियोगिता नेपाली युवाहरूमाझ निकै लोकप्रिय भएका र देशभरका प्रतिभाशाली विद्यार्थीहरूलाई आकर्षित गर्ने गरेका छन् ।