शेर्पा पर्यटन व्यवसायी संंघ अध्यक्ष संगम शेर्पाले भने जलवायू परिवर्तन न्यूनिकरणका गफ धेरै भयो अब काम गरौ

विश्व वातावरण दिवसको अवसर पारेर शेर्पा पर्यटन व्यवसायीले गरे सरसफाई अभियान
विश्व वातावरण दिवसको अवसर पारेर शेर्पा पर्यटन व्यवसायी संघ नेपालले तारेभीरमा हाइकिङ र सरसफाई अभियान गरेको छ । विश्व वातावरण दिवससंगै उनीहरुले तारेभीरमा हाइकिङ र सरसफाई अभियानको गरेको शेर्पा पर्यटन व्यवसायी संघ नेपालका महासचिव पासाङ शेर्पाले जानकारी दिनुभयो । विश्व पर्यटन दिवसको अवसरमा नेपालमा स्वस्थ वातावरण जोगाउन प्लास्टिक नियन्त्रण गर्न पदयात्रा र सरसफाई अभियानको आयोजना गरीएको अध्यक्ष संगम शेर्पाले बताउनुभयो । अभियानमा ५० भन्दा बढी शेर्पा पर्यटन व्यवसायीहरूको सहभागिता रहेको थियो ।
हाकिङ तथा सरसफाई अभियानको मुख्य उद्देश्य हिमालय र विश्वका पदयात्रा र पदयात्रा मार्गहरूमा प्लाष्टिकको फोहोर नियन्त्रण गर्नु रहेको थियो । उक्त अभियानबाट झण्डै ८० बोरा प्लास्टिक, क्यान, ट्रेसहरु संकलन गरीएको थियो ।
शेर्पा पर्यटन व्यवसायी संघ नेपालका अध्यक्ष संगम शेर्पाले आगामी दिनमा पनि वातावरण सफा गर्ने अन्य कार्यहरू गर्दै जाने जानकारी दिनुभयो । जलवायू परिवर्तनको असरले सम्पूर्ण मानव जीवनलाई सखाप बनाउने भन्दै यसकालागि बेलैमा सबै सचेत हुनु पर्ने शेर्पाको भनाई थियो । उहाँले सबै लागेर जलवायू न्यूनिकरणका उपायका बारे बहस र छलफल गर्नु आवश्यक रहेकोमा जोड दिनुभयो ।