Thursday, November 30, 2023
पाकिस्तान सरकारको सहयोगमा काठमाडौमा पाकिस्तान–नेपाल फ्रेण्डसीप पार्क निर्माण सम्पन्न भएको छ । काठमाडौको बाँसबारीमा निर्माण सम्पन्न भएको पार्कको आज एक कार्यक्रमकाबीच नेपालकालागि पाकिस्तानका राजदूत अवहर एच हासमीले उद्घाटन गरे ।
उनले नवर्निमित पाकिस्तान–नेपाल फ्रेण्डसीप पार्कले दुई देशका जनताबीचको साँझा आकाक्षां र बिद्यमान मित्रताको बलियो बन्धन झल्काउने बिश्वास व्यक्त गरे । नेपाल र पाकिस्तानबीच सामाजिक, आर्थिक, साँस्कृतिक र पर्यटकीय बिकासबीच आपसी सम्बन्ध रहदै आएको छ ।
काठमाडौ महानगरपालिका वार्ड नम्बर–३ का अध्यक्ष प्रेम थापाले काठमाडौमा रमणीय पार्कको अभाव भई रहेकोमा नवर्निमित पाकिस्तान– नेपाल फ्रेण्डसीप पार्क उदाहरण बन्ने बताए । उनले पार्कको संरक्षणसंगै हरियाली कायम राखिने बताए ।
पार्क उद्घाटन र अवलोकनमा नेपाल राष्ट्रिय टिमका पूर्व क्याप्टेन ज्ञानेन्द्र मल्ल, लाईन्स क्लब अफ काठमाडौका अध्यक्ष अनन्त भेटवाललगायत स्थानीयवासीन्दाको सहभागिता थियो ।
