कांग्रेस निकट इञ्जिनीयरको चुनावमा घम्सा घम्सी, कस्ले मार्ला बाजी ?

सेन्टर फर डेमोक्रेटिक इन्जिनियर्स नेपाल (सिडेन)को निर्वाचन जति नजिकिदै छ त्यति नै अड्कलबाजी र नेतृत्वको रस्साकस्सी चर्कदै जान थालेको छ । नेपाली कांग्रेस निकट इञ्जिनियरहरुको छाता संगठनको रुपमा रहेको सिडेनको आगामी नेतृत्वका लागि अध्यक्षमा इन्जिनियर लक्ष्मण केसी र चेतनाथ पाण्डेबीच प्रतिष्प्रर्धा हुने देखिएको छ ।

केसी वर्तमान कार्यसमितिका उपाध्यक्ष हुन् । इन्जिनियरहरुमाझ निकै बौद्धिक, सरल र मिजासीलो व्यक्तिको रुपमा चिनिएका उनी युवा भएका कारण र नेतृत्व गर्ने क्षमता भएका कारण पनि इन्जिनियरहरुको रोजाईमा परेका छन । यस्तै अर्का प्रत्याशी पाण्डे इन्जिनियरहरुका पुराना नेताको रुपमा चिनिए पनि कार्यशैलीका कारण विवादमा आइराख्नाले उनको नेतृत्व क्षमतामा प्रश्न चिन्ह उठाईदै आएको छ ।

यहि जेठ १३ गते हुन लागेको सिडेनको सातौ केन्द्रीय कार्यकारिणी समितिको निर्वाचनमा इञ्जिनीयर केसीले आफ्नो प्यानलसहित उम्मेदवारी दिने तयारी गरेको उनी निकटका इन्जिनियरहरुले जनाएका छन् । यता पाण्डेको तयारी भने अहिलेसम्म फितलो रहेको बुझीएको छ ।

नेपाली कांग्रेसको महाधिवेशन प्रतिनिधिसमेत रहेका केसी सिडेनका संस्थापकमध्ये एक हुन । संयुक्त राज्य अमेरिकाबाट इन्जिनियरिङ बिषयमा स्नातकोत्तर गरेका केसी देशभरका इन्जिनियरहरुको साझा संस्था नेपाल इन्जिनियर्स एशोसियशन (एनइए)का पूर्व केन्द्रीय सदस्य पनि हुन । वर्तमान कार्यकालमा अध्यक्षलाई सफल बनाउन महत्वपूर्ण भुमिका खेलेका केसीले आगामी कार्यसमितिमा अध्यक्षमा निर्वाचित हुन कुनै कसर बाँकी नराखेको उनको सचिवालयले जनाएको छ ।

केसीका प्रतिष्पर्धी पाण्डेको कार्यशैलीप्रति अधिकांश इन्जिनियरहरु रुष्ट हुदा त्यसको फाइदा पनि केसीलाई नै हुने देखिन्छ । पाण्डेले चुनाव नजिकिदै गर्दा पनि तयारी थाल्न सकेका छैनन । जसका कारण उनी निकटका इन्जिनियरहरु केसीको पक्षमा खुल्न थालेको बताइएको छ ।