आगामी आइतवार (मे २१) न्युयोर्कमा आयोजना हुने नेपाल डे परेडको तयारी पूरा भएको आयोजकले जानकारी दिएका छन् । आयोजक समितिका कन्भेनर टकबहादुर रुवालीले दिएको जानकारी अनुसार कार्यक्रम सम्पन्न गर्नका लागि सबै तयारी पुरा गरिएको हो । रुवालीले भने -‘आउनुस आइतबार न्यूयोर्कको म्यानहाटनमा भेटेर नेपालको पहिचान विश्व समुदायलाई देखाऔं ।’

कार्यक्रम गर्नका लागि गठित बिभिन्न उपसमितिहरुको तयारी समेत अन्तिम चरणमा रहेको उनले जानकारी दिएका छन् । हरेक बर्ष न्युयोर्कमा नेपालको भाषा, सँस्कृति झल्किने गरी नेपाल डे परेड कार्यक्रम आयोजना हुँदै आएको छ ।

उक्त दिन कार्यक्रममा नेपाली कालकारहरुले गित, नृत्य, बाजागाजाका माध्यमबाट बिभिन्न मनोरन्जनात्मक कार्यक्रम प्रस्तुत गर्ने गरेका छन् । यस कार्यक्रमलाई न्युयोर्कको म्यानहटनमा आयोजना गरिदै आएको छ ।

एनआरएनए न्यूयोर्क च्याप्टरका अध्यक्ष समेत रहेका आयोजक समितिका आङछिरिङ शेर्पाका अनुसार यसअघिका बर्षहरुमा जस्तै यस बर्ष पनि भब्य रुपमा कार्यक्रम सम्पन्न गर्नका लागि बिभिन्न संघ सस्थाका पदाधिकारी तथा सामाजिक व्यक्तित्वहरुले सहयोग गर्दै आएको छ । उक्त दिन सबै जनाको भव्य उपस्थिति रहने उनको अपेक्षा छ ।

‘न्युयोर्कमा यस किसिमको कार्यक्रम आयोजना हुनु आफैमा गर्वको कुरा हो,’ – न्यूयोर्क च्याप्टरका पूर्व अध्यक्ष रामहरी अधिकारीले भने -‘हाम्रो साझा प्रयासले नै यस्ता भव्य कार्यक्रमहरु हामीले सम्पन्न गर्न सकेका छौं । साथै न्युयोर्कको ज्याक्शन हाइटमा माउन्ट एभरेष्ट वे नामाकरण गरेको पनि यस बखत म स्मरण गर्न चाहन्छु ।’

नेपाल डे परेका अर्थसमिति संयोजक रामेश्वर बुर्लाकोटीका अनुसार कार्यक्रम सम्पन्न गर्नका लागि न्युयोर्कमा रहेका सबै संघ सस्थाका तर्फबाट र सामाजिक अभियान्ताहरुबाट आर्थिक सहयोग भइरहेको जानकारी दिए ।

शुक्रबार, ५ जेष्ठ, २०८० गते