Trending
Tuesday, April 29, 2025
म्याग्दीमा ४.७५ मेगावाटको स्यानो खोला जलविद्युत आयोजना निर्माण हुने भएको छ। कर्णाली जलश्रोत लिमिटेडले म्याग्दीको रघुगंगा गाउँपालिका भएर बग्ने स्यानो खोलामा निर्माण प्रस्ताव गरिएको छ ।आयोजना सम्भाव्यता अध्ययन र प्रारम्भिक वातावरणीय प्रभाव मूल्यांकन प्रतिवेदन तयार भइसकेको छ ।
विद्युत विकास विभागले सार्वजनिक सूचना जारी गर्दै सरोकारवाला निकायहरुलाइ ३५ दिनभित्र लिखित रायरसुझाव पेस गर्न आग्रह गरेको छ ।
यो नदी प्रवाहमा आधारित (क्यासकेड) आयोजना हो । यसको डिजाइन बहाव २.३५ घनमिटर प्रतिसेकेण्ड र कुल हेड २४५.९५ मिटर रहनेछ । आयोजनाको वार्षिक सरदर २८.२० गिगावाट घण्टा विद्युतीय ऊर्जा उत्पादन हुनेछ ।
आयोजनाको मुख्य संरचनाहरु स्याने खोलाको दायाँ किनारमा पर्दछन् । विद्युत उत्पादनका लागि स्याने खोला जलविद्युत आयोजनामा दुई वटा (२.५१० मेगावाट) को होरिजेन्टल अक्सीस पेल्टोन टरबाइनमा प्रयोग हुनेछ । ३१८६.० मिटर हेडरेस पाइप हुनेछ ।
उत्पादित विद्युतलाई २० किलोमिटर ३३ केभी प्रसारणलाइनमार्फत नेपाल विद्युत प्राधिकरणको दाना सबस्टेसनमा जोडिनेछ ।
