Trending
Sunday, March 16, 2025
काठमाडौं महानगरपालिकाले टुकुचा खोलालाई खुला गर्ने अभियानलाई पुनः सुरु गरेको छ । उच्च अदालत पाटनले फैसला गरेर टुकुचा खोला नै रहेको पुष्टि गरेपछि बालेनले टुकुचामाथिको संरचना भत्काउन प्रक्रिया अघि बढाएका हुन् ।
काठमाडौं महानगरपालिकाले सोही प्रक्रिया अनुसार सोमबार भूमि व्यवस्था, सहकारी तथा गरिबी निवारण मन्त्रालयलाई पत्र लेख्दै सो क्षेत्रको लगत कट्टा गर्न आग्रह गरेको छ ।
पत्रमा भनिएको छ, ‘हात्तिसार क्षेत्रमा टुकुचा खोला र खोलाको बहाव क्षेत्रभित्रको जग्गा त्रुटिवश व्यक्ति विशेषको नाममा दर्ता कायम रहन गएको देखिएको हुँदा यथाशीघ्र व्यक्ति विशेषको नाममा दर्ता रहेको उक्त लगत कट्टा गर्ने र सार्वजनिक प्रयोजनमा रहने गरी प्रबन्ध सम्बन्धमा आवश्यक कारबाहीको लागि मालपोत ऐन, २०३४ को दफा २४ को प्रयोजनार्थ अनुरोध गरिन्छ ।’
