Trending
Tuesday, March 18, 2025
नवलपरासीको गैंडाकोटमा मौलाकाली केवलकार सञ्चालनमा आएसँगै स्थानीय हर्षित भएका छन् । वैशाख १ गतेदेखि मौलाकाली केवलकार सञ्चालनमा आएसँगै गैडाकोट नगरपालिका वडा १ का स्थानीय मौलाकालीका मन्दिरको धार्मिक महत्व बढ्ने र स्थानीयस्तरमा रोजगारी बढ्ने भन्दै हर्षित भएका हुन् ।
मौलाकाली मन्दिर परिसरमा व्यापार गर्ने स्थानीय व्यापारी सुलभ कुमालले मौलाकाली केवलकार सञ्चालनमा आएसँगै पूजा सामग्रीमा व्यापारमा वृद्धि भएको बताए । उनले पूजा सामग्रीमा व्यापार बढे पनि होटेलमा भने व्यापार कम भएको बताए ।
स्थानीय विनिता महतोले मौलाकालीका केवलकार सञ्चालनमा आएसँगै खुसी र दुःखी दुवै भएको बताइन् । उनले मन्दिर परिसरका पसल हटाउने कुराले दुःख लागेको बताइन् । उनले २० वर्षदेखि जीविको पार्जनको माध्यम पसलहरू भएको भन्दै उचित व्यवस्थापनसहित हटाउनुपर्ने बताइन् ।
