Trending
Tuesday, March 18, 2025
संखुवासभाको भोटखोला गाउँपालिका–४ सिप्रुङ जिजिङखामा आज भएको हेलिकप्टर दुर्घटनामा पाईलट सुरेन्द्र पौडेल, स्थानीय भविन गुरुङ, हेलिकप्टर स्टाफ मनोज थापा सख्त घाईते भएका छन् ।
उनीहरुलाई उद्धार गर्न गएको अर्को हेलिकप्टरबाट उपचारकालागि काठमाडौ पठाईएको छ । पाईलट पौडेलको अवस्था गम्भिर रहेको छ । हेलिकप्टर टिम सदस्य छिरीङ भोटे, टर्नेलमा कार्यरत स्टाफ बिक्रम बिश्वकर्मा भने सामान्य घाईते भएका छन् ।
घाईतेहरुको काठमाडौँको मेडासिटि हस्पिटलमा उपचार हुँदै छ । सिम्रिक एयरको हेलिकप्टर हटिया गोलाको छोङ्ग्राङबाट अपर अरुण जलबिद्युत आयोजनाको समान लिएर उडेको केहि समयमा हम्मरे डाँडाको एक रुखमा ठोक्कीएर दुर्घटना भएको स्थानीय निमा लामाले जानकारी दिए । घटना स्थल सदरमुकाम खाँदबारीबाट दुई दिनको पैदल दुरीमा पर्छ ।
हेलिकोप्टरको पंखा पहाडको भित्तामा ठोक्किएर दुर्घटनामा भएको बताइएकोछ । घटनास्थलमा नेपाली सेना, नेपाल प्रहरी र स्थानीयवासी उद्धारमा खटिएका छन् ।
