अहिले हिउँद सकिएको छ भने वर्षायाम सुरु भइसकेको छैन । मौसम पनि खासै सोचेजस्तो छैन । यो समयमा बेनी–जोमसोम सडकखण्ड अन्तर्गत पर्ने अन्नपूर्ण गाउँपालिका–३, दानामा पर्ने रुप्से झरनाले पर्यटकको मन लोभ्याउने गरेको छ ।

रुप्से झरनाको पानी गहिरो अन्ध गल्छीमा पुगेर कालीगण्डकी नदीमा मिसिन्छ । आन्तरिक तथा बाह्य पर्यटक रुप्सेको मनमोहक दृश्य प्रत्यक्ष हेर्न लालायित हुने गर्छन् ।

पर्यटन व्यवसायी अन्नपूर्ण गाउँपालिका–१, दोवाका धनबहादुर पुनका अनुसार दायाँ अन्नपूर्ण र बायाँ धौलागिरि हिमालको बीचमा बग्ने पवित्र कालीगण्डकीको मनमोहक दृश्यमा पर्यटक भुल्ने गर्छन् ।

धरमपुर बचत तथा ऋण सहकारी शिवसताक्षी–१, झापाको टोली मुक्तिनाथ हुँदै कोरलासम्मको भ्रमणका लागि आएको थियो । टोलीले रुप्से झरनामा गाडी रोकेर फोटो खिच्ने र टिकटक पनि बनायो । सहकारीका व्यवस्थापक विनोद ढकालले भने, “झापाबाट सहकारीको भ्रमण टोली मुक्तिनाथसम्मको यात्रामा यसअघि दुई पटक आएका थियौँ। यस पटक भने हामी कोरला नाकासम्मै पुग्ने योजना छ ।”

रुकुमका नारायण मगर पनि रुप्सेमा आइपुग्दा उत्साहित देखिन्थे । पहिलो दिन काठमाडौँबाट तातोपानी आएर बसेको उनको टोली दोस्रो दिन उपल्लो मुस्ताङतर्फ लागेर तेस्रो दिन रुप्से आइपुगेको थियो । मगर भन्छन्, “जाँदा फोटो खिचिएन फर्कँदा त खिच्नै पर्‍यो भनेर यहाँ गाडी रोकेर तस्बिर खिच्न थालेका हौँ ।”

चितवनको देवघाटमा अध्ययन गर्दै आउनुभएकी अश्लेषा पौडेल पनि आफ्नो बाबासँग रुप्से पुगिन् । नयाँ शैक्षिक सत्र सुरु हुनुभन्दा पहिलाको बिदाको सदुपयोग गर्न रुप्से पुग्दा आफू निकै उत्साहित भएको उनले बताइन् ।

पछिल्लो समय सडकमा भएको स्तरोन्नतिसँगै मुक्तिनाथ तथा कोरला नाका भ्रमणमा आउने आन्तरिक तथा बाह्य पर्यटकको वृद्धि भएको छ । केही समय विश्राम गर्ने र फोटो खिच्नका लागि रुप्से झरना उपयुक्त भएको व्यवसायी पुनको भनाइ छ । उनले भने “छोटो समय विश्राम गर्न रुप्से क्षेत्र निकै उपयुक्त स्थान हो ।” विश्वमै चर्चित र मनमोहक दृश्य अनि गहिरो गल्छीको पनि सङ्गमस्थल भएकाले यो ठाउँको उचित प्रचार नभएको उनको अनुभव छ ।

सोमवार, १८ बैशाख, २०८० गते

Comments

सम्बन्धित खवर

लोकप्रिय

धेरै पढिएको

संघर्षशिल युथ क्लबको दास्रो अधिवेशन सम्पन्न, अध्यक्षमा डुबा भोटे

किमाथांका नाका खोल्न परराष्ट्र मन्त्री साउदसँग सांसद दिपक खड्काको माग

संखुवासभाका अन्तराष्ट्रिय पदक विजेता नेपाली धावक निमेश गुरुङ सम्ममानित

राबा बैकको लोगोसंगै कार्यकारी प्रमुख किरण श्रेष्ठको तस्वीरले चुम्यो अफ्रिकाको चुचुरो

बर्दिवासको घाम बोलको गितमा गायक वाङछिरीङ भोटियाको अर्को सफलता

चुनौतिसंगै लाक्पा शेर्पा अर्को कीर्तिमान राख्न सातौ पटक मकालु हिमालको आरोहणमा

अन्तरपालिका स्तरिय फुटसल प्रतियोगिताको उपाधि धर्मदेबीलाई

प्रधानमन्त्रीसंग किम्माथांका नाका खोल्न माग गरेका छौ : वाङछेदर भोटे

किमांथाका नाका यहि सेप्टेम्बरबाट खुल्ने अध्यक्ष वाङछेदर भोटेको खुलासा

आठ पटक सगरमाथा चढेका ज्याम्चाङ भोटेले हिमालबारे कीन भने यस्तो !