वनमा खेर गइरहेको सिस्नो अहिले भान्सामा पुगेको छ । सिपालुको हात लागेपछि सिस्नोको पनि गुन्द्रुक बन्छ । बारीमा झाडी बनेको सिस्नोको माग अधिक छ । सीप सिकेका महिलाहरुले अहिले गाउँमा सिस्नोको धुलो बनाउँछन् ।

प्याकिङपछि सिस्नो देशबिदेश पुग्छ । बागलुङको जैमिनी नगरपालिका–३ दमेकका उद्यमीको परिचय यहि उत्पादनले बदलेको छ । यहाँका किसानले उत्पादन गरेको सिस्नोका माग बजारमा बढ्दो छ । वनजङ्गल र घरआँगनमा खेर गइरहेको सिस्नोलाई संकलन गरी पाउडर बनाइन्छ ।
पहिले तरकारीका रूपमा एकाध प्रयोग हुने बहुगुणी सिस्नोको बजारीकरणमा जैमिनी नगरपालिकाले सघाएको छ । नगरपालिकाले सिस्नोको धुलो बनाउने आधारभूत तालिम र मेसिनसमेत सहयोग गरेपछि महिला उद्यमी उत्साहित छन् ।

यो वर्षमात्रै दुई हजार किलो सिस्नो पाउडर तयार भयो, माग धान्नै सकिएन गाजादह सिस्नो पाउडर उत्पादन समितिका अध्यक्ष अध्यक्ष तारादेवी पुनले भने । अब सिस्नो उत्पादनमा लाग्न कृषकहरु उत्साहित भएकाछन् । पहिले छुँदा पोल्ने सिस्नोलाई झाडीका रूपमा पन्छाएर आगो लगाउने किसानले अहिले सिस्नो जोगाउन थालेका छन् ।

बाँझो जग्गामा सिस्नो लगाउने योजना छ, आफैँ उम्रिएको सिस्नोले अब पुग्दैन पुनले भने । सामान्य प्रचार हुँदामात्रै देश–विदेशबाट माग आयो । चितवन, काठमाडौँ, पोखरा र हङकङका बजारमा दमेकको सिस्नो पुगेको उनले बताए ।

यसले स्थानीय महिलालाई आम्दानी पनि राम्रो भएको छ । पाउडरका रूपमा उत्पादन गरिने सिस्नो विभिन्न खानाका परिकारसँग खान मिल्ने र स्वास्थ्यलाई समेत फाइदा पुग्ने भएकाले माग बढ्दै गएको हो । प्रतिकेजी रु छ सय ५० मा सिस्नोको धुलो बिक्री भइसकेको पुनले बताए ।

सिस्नोको धुलोको गुन्द्रुक पनि यहाँको परिचय बनेको छ । सिस्नोलाई किसानले सावधानीपूर्वक टिपेर गुन्द्रुक बनाउँछन् । त्यही गुन्द्रुकको स्वाद मिठो हुन्छ । हामीले यो वर्ष व्यावसायिक उत्पादनको प्रयास थाल्यौँ, प्रशोधन र प्याकिङमा नगरपालिकाले सहयोग गरेको छ स्थानीय कृष्णबहादुर छन्त्यालले भने । गाउँ आउनेले बोकेर जान्छन । बजारबाट आएको माग पूरा गर्न सकिएको छैन ।

सिस्नो सबै याममा पाइँदैन । किसानले वर्षायाममा जङ्गलबाट सिस्नो घर भित्र्याउँछन्, गुन्द्रुक बनाउँछन् । गुन्द्रक एक सय ग्रामलाई रु दुई सयमा बिक्री हुने गरेको छ । धान फल्दैन, कोदो, मकै र गहुँ कम फल्छ, हाम्रो मुख्य उत्पादन आलु हो, अहिले गुन्द्रुकले आम्दानीसँग जोडेको छ ।

खानाको स्वादका लागि निकै राम्रो मानिने सिस्नु पनि स्वरुप फेरिएपछि मूल्य पाउन थालेको छ । किसानले बर्सेनि उत्पादन गर्ने सिस्नो कहिले खाद्यान्नसँग साटेर त कहिले बिक्री गरेर खर्च चलाउँथे ।

पछिल्लो समय वडा र नगरले सिस्नोको परिकार बनाउन सिकाएको छ । किसानले गुन्द्रुकको धुलो बनाउन थालेपछि यसको बिक्री बढेको छ । सटही र बिक्री गर्दाभन्दा दोब्बर मूल्य पर्ने गरेको स्थानीय इन्द्र थापाले बताए ।

स–साना उत्पादन गरेरै भए पनि नागरिकलाई उद्यमी बनाउने प्रयासमा भएको वडाध्यक्ष कृष्णबहादुर भुजेले बताए । सिस्नो पोसीलो भएका कारण शहरतीर बढी रुचाईएको छ । यसको प्राविधिक रुपमा स्तरीकरण गरेर बजारीकरण गर्न गाउँपालिका लागेको छ ।

प्याकीङ राम्रोसंग गर्न सकीयो भने यसको बजार बढ्दै जाने बिश्वास गरीएको छ ।

शनिबार, १६ बैशाख, २०८० गते

Comments

सम्बन्धित खवर

लोकप्रिय

धेरै पढिएको

संघर्षशिल युथ क्लबको दास्रो अधिवेशन सम्पन्न, अध्यक्षमा डुबा भोटे

किमाथांका नाका खोल्न परराष्ट्र मन्त्री साउदसँग सांसद दिपक खड्काको माग

संखुवासभाका अन्तराष्ट्रिय पदक विजेता नेपाली धावक निमेश गुरुङ सम्ममानित

राबा बैकको लोगोसंगै कार्यकारी प्रमुख किरण श्रेष्ठको तस्वीरले चुम्यो अफ्रिकाको चुचुरो

बर्दिवासको घाम बोलको गितमा गायक वाङछिरीङ भोटियाको अर्को सफलता

चुनौतिसंगै लाक्पा शेर्पा अर्को कीर्तिमान राख्न सातौ पटक मकालु हिमालको आरोहणमा

अन्तरपालिका स्तरिय फुटसल प्रतियोगिताको उपाधि धर्मदेबीलाई

प्रधानमन्त्रीसंग किम्माथांका नाका खोल्न माग गरेका छौ : वाङछेदर भोटे

किमांथाका नाका यहि सेप्टेम्बरबाट खुल्ने अध्यक्ष वाङछेदर भोटेको खुलासा

आठ पटक सगरमाथा चढेका ज्याम्चाङ भोटेले हिमालबारे कीन भने यस्तो !