गर्मीयाम सुरू भएसँगै बैतडीमा पनि वन डढेलोको सम्भावना बढ्दै गएको छ। यहाँ रहेका ७९ वन डढेलोको जोखिममा समेत रहेका छन्। डिभिजन वन कार्यालयकाअनुसार सबैभन्दा बढी ३० वटा पाटन सब डिभिजन वन कार्यालय अन्र्तगत वनहरू रहेका छन्।

यस्तै मालिका पाटन सब डिभिजन वन कार्यालय र हाट पाटन सब डिभिजन वन कार्यालय अन्र्तगतका १३÷१३ वटा वनहरू डढेलोको जोखिममा रहेका डिभिजन वन कार्यालय प्रमुख भिमप्रसाद कंडेलले जानकारी दिए।

यसका साथै मेलौली–कुलाउ सब डिभिजन वन कार्यालय अन्र्तगतका ११,सिगास सब डिभिजन वन कार्यालय अन्र्तगतका ८,रुद्रेश्वर–देउलेक सब डिभिजन वन कार्यालय अन्र्तगतका ४ वनहरू जोखिममा रहेका हुन्। यसअघि डढेलो लागेका र बस्तीनजिक रहेका वनहरू जोखिममा राखिएका हुन्।

जिल्लामा हालसम्म डढेलो लागेको घटनाहरू नरहेका प्रमुख कंडेलले बताए। उनले भने, ‘डढेलोको जोखिममा वनहरू रहेका भए पनि यो वर्ष भने फाट्टफुट्टबाहेक डढेलो लागेको खबर खासै आएको छैन।’

गर्मीयाम सुरू भएसँगै मानवीय लापरबाहीका कारण डढेलोको जोखिम बढी हुने गरेको छ। प्राकृतिक र मानविय दुवै कारणले वन डढेलो हुने गरेकोमा प्राकृतिक ५ प्रतिशत र मानविय ९५ प्रतिशतले डढेलो हुने गरेको छ।

बैतडीमा सबै प्रकारका वन डढेलो लाग्ने गरेका छन। घर्षने , भुईं, सतही र छत्र डढेलो मध्य खतरनाक चाहि छत्र डढेलो र यहाँ बढी मात्रामा सतही डढेलो लाग्ने गर्दछ। डढेलोबारे वन कार्यालयले सचेतनामूलक कार्यक्रम पनि सञ्चालन गरिरहेको छ।

डढेलोले जनस्वास्थ्य क्षेत्रमा सँकट ल्याउनुका साथै मानवीय र धनजनको क्षति पनि गर्ने भएकोले सबैले सचेत रहन आग्रह गरिएको छ। बैतडीमा विशेषगरी फाल्गुन देखि जेठसम्म डढेलो लाग्ने गरेको जनाएको छ।

यहाँ ३६४ सामुदायिक वन,१७४ कबुलियती,प्रस्तावित सँरक्षित क्षेत्र २,निजी वन ३,वैज्ञानिक वन व्यवस्थापन ३ क्षेत्र रहेका छन्। कुल क्षेत्रफल १ लाख ४८ हजार ६७८ हेक्टर क्षेत्रफल रहेको बैतडीमा ८५हजार ७६८ हेक्टर वन क्षेत्र रहेको छ।

बिहिबार, १४ बैशाख, २०८० गते

Comments

सम्बन्धित खवर

लोकप्रिय

धेरै पढिएको

संघर्षशिल युथ क्लबको दास्रो अधिवेशन सम्पन्न, अध्यक्षमा डुबा भोटे

किमाथांका नाका खोल्न परराष्ट्र मन्त्री साउदसँग सांसद दिपक खड्काको माग

संखुवासभाका अन्तराष्ट्रिय पदक विजेता नेपाली धावक निमेश गुरुङ सम्ममानित

राबा बैकको लोगोसंगै कार्यकारी प्रमुख किरण श्रेष्ठको तस्वीरले चुम्यो अफ्रिकाको चुचुरो

बर्दिवासको घाम बोलको गितमा गायक वाङछिरीङ भोटियाको अर्को सफलता

चुनौतिसंगै लाक्पा शेर्पा अर्को कीर्तिमान राख्न सातौ पटक मकालु हिमालको आरोहणमा

अन्तरपालिका स्तरिय फुटसल प्रतियोगिताको उपाधि धर्मदेबीलाई

प्रधानमन्त्रीसंग किम्माथांका नाका खोल्न माग गरेका छौ : वाङछेदर भोटे

किमांथाका नाका यहि सेप्टेम्बरबाट खुल्ने अध्यक्ष वाङछेदर भोटेको खुलासा

आठ पटक सगरमाथा चढेका ज्याम्चाङ भोटेले हिमालबारे कीन भने यस्तो !