Trending
Sunday, March 16, 2025
सिन्धुलीमा प्याराग्लाईडिङको पहिलो सफल परीक्षण गरिएको छ । कमलामाई नगरपालिका च्याउकोट डाँडाँबाट कमलामाई नगरपालिका लोकतान्त्रिक चौरमा पाराग्लाईडिङको सफल परीक्षण गरिएको हो ।
प्रयास होटल प्रा.लि. कमलामाई नगरपालिका–६ रातमाटाले सिन्धुलीमा पहिलो पटक प्याराग्लाईडिङ् व्यवसाय सुरू गर्नको लागि प्याराग्लाईडिङको परीक्षण गरिएको हो । परीक्षणका लागि सोमबार एकल उडान गरिएकोमा सफल भएपछि पुनः मंगलबार यात्रु सहितको उडान सफल भएको हो ।
यात्रु दिया थापा सहित पाइलट दिल कुमार सुनवारले आज दिउँसो ९ सय ७० मिटरको हाइटबाट १२ः३० बाट उडान सुरु गरिएकोमा १२ः४८ मा सफल अवतरण गरिएको निर्देशक नेत्रजंग थापाले जानकारी दिए । नौ सय ७० मिटरको उचाईबाट उडान सुरू गरेर सफल अवतरण गरिएको थियो ।
सिन्धुली भएर हरेक महिना लाखौंले ओहोर दोहोर गर्ने भएकाले पाराग्लाईडिङ्को सम्भावना रहेको स्थानीय पर्यटन ब्यावसायीहरूको भनाइ छ ।
