अमेरिकाको कोलोराडोको बौद्ध समाजको अध्यक्षमा श्यामकुमार श्रेष्ठ

बौद्ध समाज अमेरिकाको कोलोराडोको अध्यक्षमा श्यामकुमार श्रेष्ठ चयन हुनु भएको छ । श्रेष्ठको अध्यक्षतामा सात सदस्यीय नयाँ कार्यसमिति बिस्तार गरीएको छ । उपाध्यक्षमा सोनाम शेर्पा,सञ्जय शाक्य,बषन्त गुरुङ रहनु भएको छ ।

त्यसैगरी सदस्यहरुमा पेमा डोल्कर श्रेष्ठ, शान्ति लामा र टेकबहादुर थापा रहनुभएको अध्यक्ष श्रेष्ठले जानकारी दिनुभयो । त्यसैगरी भेलाले चार सदस्यीय सल्लाहकार समितिसमेत चयन गरेको छ । सल्लाहकारहरुमा पूर्णबहादुर गुरुङ,अरुण गुरुङ, लाक्पा शेर्पा र चन्द्रमान गुरुङ रहनु भएको छ ।

अमेरिकाको कोलोराडोमा सन २०१७ मा गठित यस संस्थाले प्रत्येक बर्ष बुद्ध जयन्तीको अवसरमा कोलोराडोको डेन्भर डाउन्टाउनमा शान्ति पदयात्रासहित बिभिन्न चेतनामूलक र सन्देशमुलक कार्यक्रम गर्दे आएको छ । २६ सय ४७ औ बुद्धजयन्ती मनाउने कार्यक्रम रहेको संस्थाले जनाएको छ । उक्त दिन कोलोराडोमा सकृय सबै संघ संस्थाका पदाधिकारी,बुद्धिजीवि,व्यवसायी, पत्रकार तथा सर्वसाधरणलाई निम्तोसमेत गरीसकीएको संस्थाले जनाएको छ ।

रकी माउण्टेन फ्रेन्ड्स अफ नेपालको संयोजन तथा स्थानीय संघ, संस्था र सर्वसाधरणको सहभागितामा डेन्भर स्थित स्काई लाईनपार्कमा सन् २०१६ मे २२ मा पहिलो पटक शान्ति पदयात्रा सहित बुद्ध जयन्ती मनाउन थालिएको थियो ।

समाजिक क्षेत्रमा कृयाशिल श्रेष्ठ अध्यक्षमा सर्वसम्मत भएपछि संस्थाले अझै गतिलिने बिश्वास गरीएको छ ।