मुस्लिम समुदायकी पहिलो एयर होस्टेज आईशा खातुनको समाजसेवा रहर

सुनसरीकी २२बर्षिया आईशा खातुनको धोको अहिले पुरा भएको छ । सधै कालोे बुर्कामा ढाकिएर बस्नु पर्ने उन्ले खातुन अहिले चर्चामा छिन् । अहिले एयर होस्टेजको ड्रेसमा देखिन्छिन् । मुस्लिम परिवारमा जन्मिएकी उनी खुला आकाशमा उडीरहेकी हुन्छीन् । परम्परा र नियमलाई केही पर राखेर सामाजिक महत्व बुझ्ने प्रयासमा लागेकी उनी अहिले एयर होस्टेज भएपछि चर्चामा छिन् ।

समुदायबाट बाहिर आएपनि समुदायको नियम र परम्पराका कुरामा भने उन्को रुची नै छ । आफनो सामाजिक रितलाई भने भुल्नु हुँदैन् भन्ने उन्को भनाई छ । साथिभाईको साथ सहयोग नै आफनो जीवनको महत्वपूर्ण अवसर भएको बताउने आईशा अहिले आधुनिक युगको आईशा बनेकी छिन् । जसका लागि उनलाई सबैले साथ दिएका रहेछन् । यति एयरलाइन्सको जहाजमा उड्दा आफना प्यासेन्जरहरुलाई कसरी सर्व सुलभ सेवा कसरी दिने भन्ने उन्को ध्याउन्न हुन्छ ।

अहिले आफनो समुदाय अर्थात मुस्लिम समुदायबाट नेपाल मै पहिलो मुस्लिम एयर होस्टेसको रुपमा आफनो नाम दर्ज गर्न पाउँदा उनमा खुशीको कुनै सिमा छैन् । जहाजमा परिचारिका भएर उडिरहेकी उनी मुस्लिम समुदायमा स्वतन्त्रता पाउँदा महिलाले लक्ष्य हासिल गर्न सक्छन् भन्ने उद्धाहरण मात्र नभई भावि पुस्ताका लागि प्रेरणा समेत बनेकी छिन् ।

सामाजिक सेवालाई पनि उत्तिकै महत्वका साथ लिने आईशाले सामाजिक सेवाको माध्यम भने लियो क्लवलाई बनाएकी रहेछिन् । लियो क्लवको माध्यमबाट समाजमा केही गर्न सकिन्छ भनेर लागेकी आईशाले लियोको विभिन्न पदमा रहेर कार्य गरिरहेकी छिन् ।
आफनो समुदायको लागि केही गर्नु पर्छ भन्ने भित्री मनसाय राखेकी आईशाले मोरंग मुस्लिम समाजको स्वास्थ्य बिभागको प्रमुख भएर पनि कार्य गरिसकेकी रहेछिन् ।

अहिले खुल्ला आकाशमा उड्ने जागीरेका कारण अलि बेफुर्सदीलो देखीएकी आईशा उनको समुदायको लागि एउटा ठूलो उदाहरण बनेकी छिन् । स्वास्थ्य बिज्ञानको अध्ययन गरेकी आईशाले गीता एभियसन बाट हवाई परिचारीकाको कोर्ष कमप्लिट गरेकी हुन् । मुस्लिम महिला भएर पनि समाजमा कसरी आफूलाई कसरी रुपान्तरीत गर्न सकिन्छ भनेर लागिरहने आईशा आफूलाई आधुनिक परिवेशमा ढाल्न सकेकोमा खुशीछन् ।

साथिभाईले साथ दिदा यहाँसम्म आईपुगे उन्ले भनिन् । समुदायबाट टाढा रहेर यो क्षेत्रमा आफूलाई उभ्याउन सफल भएकी आईशा यो क्षेत्रमा छाप बसाउन धेरै मेहनत गरेको बताउछिन् । सुनसरीको थातथलो भएकी आईशा अहिले निकै व्यस्त हवाई परिचारीका बनेकी छिन् । हवाई परिचारिका उन्को पेशा र जिम्मेवारी भए पनि उनी समाजसेवीका रुपमा चिनिन चाहन्छिन् ।