नेपाल–भारत पावर एक्सचेन्ज कमिटी (पीईसी) बैठकमा नेपालले भारतीय प्रसारण लाइनको शुल्क पुनरावलोकनको एजेन्डा पेस गर्ने भएको छ । भारतमा शुक्रबार बस्ने पीईसीको १४औं बैठकमा नेपाली पक्षले पाँच वर्षदेखि एकै शुल्क रहेको भारतीय प्रसारण लाइन मूल्य पुनरावलोकनको एजेन्डा पेस गर्ने तयारी गरेको हो । प्रत्येक वर्ष हुने पीईसी बैठकमा विद्युत् व्यापार तथा प्रसारण लाइनसम्बन्धी छलफल हुने गरेको छ ।

नेपालको नेतृत्व गर्दै ऊर्जा जलस्रोत तथा सिँचाइ मन्त्रालयका सहसचिव मधु भेटुवाल, नेपाल विद्युत् प्राधिकरणका कार्यकारी निर्देशक कुलमान घिसिङ, विद्युत् व्यापार विभागका निर्देशक प्रबल अधिकारीलगायतको टोली बिहीबार भारत पुगेको छ ।

नेपालका तर्फबाट प्राधिकरणका कार्यकारी निर्देशक घिसिङ र भारतका तर्फबाट केन्द्रीय विद्युत् प्राधिकरणका अधिकारीले बैठकको नेतृत्व गर्नेछन् ।

‘भारतीय प्रसारण लाइनमा एउटै शुल्क लागू भएको धेरै समय भइसक्यो । यसको पुनरावलोकन नै हाम्रो मुख्य एजेन्डा हो,’ प्राधिकरणका प्रवक्ता सुरेशबहादुर भट्टराईले भने । यसअघि ११औं पीईसी बैठकले निर्धारण गरेको शुल्कअनुसार बैठकले १३२, ३३ र ११ केभी प्रसारण लाइनबाट आयात गर्ने (प्रसारण लाइनको भाडा) विद्युत्को प्रतियुनिट भारु क्रमशः ५.५५, ६ र ६.४५ तय गरेको थियो । १२औं र १३औं बैठकले सोही मूल्यलाई यथावत् राख्ने निर्णय गर्‍यो । नेपालले अहिले भारतीय प्रतिस्पर्धी बजारबाट बोलकबोलका आधारमा बिजुली–आयात निर्यात गरिरहेको छ ।

बैठकमा नेपालले अन्य पोइन्टबाट पनि बिजुली लिन भारतसँग आग्रह गर्ने प्रवक्ता भट्टराईले जनाए । नेपाल र भारतबीच सन् १९७१ देखि विद्युत् व्यापार हुँदै आएको छ । पहिलो पटक नेपालले बिहारबाट ५ मेगावाट बिजुली आयात गरेको थियो । व्यापारिक रूपमा विद्युत् आदानप्रदान सम्झौता (पावर एक्सचेन्ज) र महाकाली सन्धिअन्तर्गतको बिजुली नेपालले भारतबाट ल्याइरहेको छ । हिउँदका बेला खोलानदीमा पानी घटेपछि रन अफ रिभर प्रकृतिका विद्युत् आयोजनाको उत्पादन कम भएपछि भारतबाट बिजुली आयात गरी माग धानिरहेको छ ।

 

शुक्रबार, ३ चैत्र, २०७९ गते

Comments

सम्बन्धित खवर

लोकप्रिय

धेरै पढिएको

संघर्षशिल युथ क्लबको दास्रो अधिवेशन सम्पन्न, अध्यक्षमा डुबा भोटे

किमाथांका नाका खोल्न परराष्ट्र मन्त्री साउदसँग सांसद दिपक खड्काको माग

संखुवासभाका अन्तराष्ट्रिय पदक विजेता नेपाली धावक निमेश गुरुङ सम्ममानित

राबा बैकको लोगोसंगै कार्यकारी प्रमुख किरण श्रेष्ठको तस्वीरले चुम्यो अफ्रिकाको चुचुरो

बर्दिवासको घाम बोलको गितमा गायक वाङछिरीङ भोटियाको अर्को सफलता

अन्तरपालिका स्तरिय फुटसल प्रतियोगिताको उपाधि धर्मदेबीलाई

चुनौतिसंगै लाक्पा शेर्पा अर्को कीर्तिमान राख्न सातौ पटक मकालु हिमालको आरोहणमा

आठ पटक सगरमाथा चढेका ज्याम्चाङ भोटेले हिमालबारे कीन भने यस्तो !

प्रधानमन्त्रीसंग किम्माथांका नाका खोल्न माग गरेका छौ : वाङछेदर भोटे

किमांथाका नाका यहि सेप्टेम्बरबाट खुल्ने अध्यक्ष वाङछेदर भोटेको खुलासा