जापानमा बस्ने नेपालीहरुले नेपाल सम्झदै गरे नमस्ते साहित्यिक यात्रा

जापानमा बस्ने नेपालीहरुले नेपालको कला, संस्कृति र साहित्यको जर्गेना गर्ने उद्धेश्यले नमस्ते साहित्यिक यात्रा सम्पन्न गरेका छन् । अहिलेको बदलिदो युगमा सञ्चारको महत्वमा जोड दिदै उनीहरुले भाषा, साहित्य यात्रा र सञ्चार मनदेखि मनसम्म जोड्ने आधार नारासहित मातृभूमिको सम्झना गरेकाछन् ।

यात्रासंगै उनीहरुले नेपाली गीतसंगीतमा रम्दै रमाईलो गरेकाछन् । नेपाली बाध्यवादन मादल, बाँसुरी बजाउदै नेपालको सम्झना गरेकाछन् । सिन्जुकबाट सिनागावासम्मको माउण्ट नोकोगिरीसम्मको साहित्यिक यात्रा सारै लोभलाग्दो थियो ।

नेपालको मातृभूमिप्रति ओतप्रोतभएको गीतसंगितमा रम्दै साहित्य सम्मेलन सम्पन्न गरेकाछन् । पहाडको उकालो नागबेलीबाटो एकैछिनमा फेरी समुन्द्रसम्मको उनीहरुको साहित्यिक यात्राले जापानमा बस्ने नेपालीहरुले नेपालप्रति आफ्नो जन्मभूमिप्रति साच्चै मायाँ भाव देखाएकाछन् ।

लामो समयदेखि जापानमा बस्दै आएकी समाजसेवी सयपत्री थुलुङले बिचार र साहित्यप्रति जापानमा बस्ने नेपालीहरुको गहिरो सम्बन्ध रहेको बताउनुभयो । उहाँले जापानमा रहे पनि नेपालको साहित्य, संस्कृति, सञ्चारकालागि जापानबाटै योगदान र सहयोग जारी राख्ने पनि बताउनुभयो ।

साहित्यिक यात्रामा जापानका बिभिन्न शहरमा बस्ने नेपालीहरुको सहभागिता थियो ।