बीउमै परनिर्भर कृषिप्रधान मुलुक

कुल जनसंख्याको ५७ प्रतिशत नेपाली कृषि पेशामा आश्रित छन् । देशको मुख्य सेसा कृषि हो तर, कृषि बीउमा भने मुलुक परनिर्भर छ ।

सरकारले हरेक वर्षको बजेटमा मुलुकलाई कृषिमा आत्मनिर्भर बनाउने भन्दै विभिन्न कार्यक्रम पनि ल्याउने गरेको छ । गुणस्तरीय बीउबिजनमा क्रमश: आत्मर्भिर हुँदै जाने कार्यक्रम हरेक बजेटमा आउने गरेका छन् । तर, परिणाम भने ठिक उल्टो देखिन्छ ।

बीउबिजन गुणस्तर नियन्त्रण केन्द्रका अनुसार प्रत्येक वर्ष बीउ आयातको आँकडा माथि गइरहेको छ । गत आर्थिक वर्ष २०७८ /०७९ मा २ अर्ब ७४ करोड ७५ लाख रुपैयाँबराबरको बीउ विभिन्न मुलुकबाट आयात भएको छ । यो तथ्यांक अघिल्लो वर्षको तुलनामा १० करोड ४४ लाख रुपैयाँले बढी हो ।

अघिल्लो आर्थिक वर्ष २०७७/ ०७८ मा २ अर्ब ६७ करोड ३१ लाख रुपैयाँबराबरको बीउ आयात भएको थियो । यस्तै, आव २०७६/ ०७७ मा १ अर्ब ५० करोड ९३ लाख रुपैयाँका बीउ ल्याइएको थियो ।