हिउँ नपरेका कारण यस वर्ष तेह्रथुम, संखुवासभा र ताप्लेजुङमा फैलिएको तिनजुरे मिल्के जलजले (टिएमजे) क्षेत्र सुनसान बनेको छ । हिउँ हेर्न र खेल्न पर्यटक नआएपछि यस क्षेत्रका पर्यटन व्यवसायी निराश भएका छन् ।

पर्यटकको चापले थेग्नै नसक्ने गरि ओइरो लाग्नु पर्ने सिजन हो यतिबेला टिएमजे क्षेत्रको । तर, तेह्रथुम, संखुवासभा र ताप्लेजुङ जिल्लामा फैलिएको तिनजुरे मिल्के जलजले क्षेत्र हिउँ नपरेपछि सुनसान बनेको छ । खासगरी जाडो याममा हिउँ खेल्न नेपालका विभिन्न स्थानबाट यहाँ पर्यटकहरु आउने गर्दछन् । गुराँसको राजधानीको नामले चिनिएको यो ठाउँ पर्यटकहरुको मुख्य गन्तब्य हो ।

हिउँ परेको बेलामा नेपाल तथा छिमेकी देशबाट पर्यटकहरु ठूलो संख्यामा आउने गरेका छन् । तर, माघको तेश्रो साता बितिसक्दा पनि यस वर्ष हिउँ परेको छैन । हिउँ नपरेका कारण यस क्षेत्रमा पर्यटकीय चहलपहल शुन्य झै बनेको हो । गतबर्ष भने पुषको दोश्रो सातादेखि नै हिउँ परेको थियो । हिउँ पर्दा दैनिक तीन, चार हजारभन्दा बढी पर्यटक भित्रिने यसक्षेत्रमा अहिले फाट्टफुट्ट मात्रै आउने गरेका छन् । यस क्षेत्रको मुख्य आकर्षण भनेकै हिउँ र गुराँस हो । हिउँ हेर्न र खेल्नकै लागि यहाँ पर्यटकहरु आउने गरेका हुन् ।

धनकुटाको चित्रे, तेह्रथुमको चोलुङ पार्क, आरआर गार्डेन, पाथीभरा मन्दिर तिनजुरे, चौकी बजार पाँचपोखरी, गुफा पोखरी लगायतका क्षेत्रमा यतिबेला पर्यटकको संख्या निकै कम छ । हिउँ नपरेपछि पर्यटक नआउँदा व्यापार व्यवसाय नै शून्य भएको चित्रे बजारकी होटल व्यवसायी लेखाकुमारी अधिकारीको भनाइ छ ।

गतबर्ष पाँच पटक हिउँ पर्दा ४५ दिनको अन्तरालमा १० लाख आम्दानी भएपनि यसवर्ष हिउँ नपरेपछि व्यवसाय संकटमा परेको टुटेदेउरालीका श्री कार्कीले बताउनुभयो ।

हिउँ पर्दा यहाँका पहाड हिमाल झै सेताम्यै देखिने गरेका छन् । हिउँले सेता बनेका पहाड र गुराँसले राताम्यै बनेका वनहरुले पर्यटकलाई मोहित पार्ने गरेको हो । तर, यसबर्ष हिउँ नपरेपछि यहाँका पर्यटन व्यवसायी निराश भएका हुन् ।

शुक्रबार, २० माघ, २०७९ गते

Comments

सम्बन्धित खवर

लोकप्रिय

धेरै पढिएको

संघर्षशिल युथ क्लबको दास्रो अधिवेशन सम्पन्न, अध्यक्षमा डुबा भोटे

किमाथांका नाका खोल्न परराष्ट्र मन्त्री साउदसँग सांसद दिपक खड्काको माग

चुनौतिसंगै लाक्पा शेर्पा अर्को कीर्तिमान राख्न सातौ पटक मकालु हिमालको आरोहणमा

संखुवासभाका अन्तराष्ट्रिय पदक विजेता नेपाली धावक निमेश गुरुङ सम्ममानित

राबा बैकको लोगोसंगै कार्यकारी प्रमुख किरण श्रेष्ठको तस्वीरले चुम्यो अफ्रिकाको चुचुरो

बर्दिवासको घाम बोलको गितमा गायक वाङछिरीङ भोटियाको अर्को सफलता

अन्तरपालिका स्तरिय फुटसल प्रतियोगिताको उपाधि धर्मदेबीलाई

आठ पटक सगरमाथा चढेका ज्याम्चाङ भोटेले हिमालबारे कीन भने यस्तो !

किमांथाका नाका यहि सेप्टेम्बरबाट खुल्ने अध्यक्ष वाङछेदर भोटेको खुलासा

प्रधानमन्त्रीसंग किम्माथांका नाका खोल्न माग गरेका छौ : वाङछेदर भोटे