रामेछापको उमाकुण्ड गाउँपालिकाले ताबेँडाँडालाई आकर्षक गन्तव्यका रूपमा विकास गर्ने योजना बनाएको छ ।

उमाकुण्ड र गोकुलगङ्गा गाउँपालिकाको सिमानामा रहेको ताबेँडाँडालाई धार्मिक, पुरातात्त्विक र आकर्षक दृश्यावलोकन स्थलका रूपमा विकास गर्ने गाउँपालिकाको योजनाअनुरूप अहिले काम भइरहेको छ । अहिले ताबेँडाँडा पुग्ने पदमार्ग, मन्दिर, च्योर्तेन, पिकनिक स्थललगायतका पूर्वाधार निर्माणको काम भइरहेको उमाकुण्ड गाउँपालिकाका अध्यक्ष शेरबहादुर सुनुवारले बताउनुभयो । उहाँले भन्नुभयो, “अहिले नेपाल सरकारको संस्कृति, पर्यटन तथा नागरिक उड्डयन मन्त्रालय र गाउँपालिकाको साझेदारीमा चार करोड रुपियाँ लगानीमा संरचना निर्माणको काम भइरहेको छ । आगामी फागुनसम्म सो काम पूरा हुन्छ ।”

उहाँका अनुसार बागमती प्रदेशको पूर्वाधार कार्यक्रमअन्तर्गत ५० लाख रुपियाँको लागतमा पदमार्ग पनि निर्माण गरिएको छ । उमाकुण्ड गाउँपालिका र गोकुलगङ्गा गाउँपालिकाको साझेदारी कार्यक्रमअन्तर्गत सो स्थानमा गोकुलगङ्गा गाउँपालिकाको एक करोड रुपियाँ लगानीमा मन्दिर बनाइएको छ । “सबै पूर्वाधार निर्माणको काम सम्पन्न भएपछि ताबेँडाँडा आकर्षक गन्तव्य स्थल बन्नेछ,” अध्यक्ष सुनुवारले भन्नुभयो ।

हिउँदमा हिउँ पर्ने र चैत वैशाखमा विभिन्न जातका गुराँस फुलेर ढकमक्क हुने ताबेँ क्षेत्र यात्राका लागि अति मनोरम मानिन्छ । यो स्थानबाट सैलुङलगायतका रामेछापका विभिन्न स्थान तथा दोलखाको जिरी, कालिञ्चोक, चरीकोट, दोलखा बजार, मैनापोखरीका साथै सिन्धुपाल्चोकको खरीढुङ्गालगायतका क्षेत्रको दृश्यावलोकन गर्न सकिन्छ । यसबाहेक रामेछापको नुम्बुर हिमालसहित गौरीशङ्कर, गणेश, जुगल, गौरी पर्वत तथा रोल्वालिङ हिमशृङ्खला सो स्थानबाट नजिकै देखिन्छ । यो ठाउँमा पाइने आलु पनि प्रख्यात छ ।

रामेछापको सदरमुकाम मन्थली र दोलखाको जिरीबाट समेत ताबेँसम्म पुग्ने सडक बनेको छ । मन्थलीबाट रस्नालु, ठोसे हुँदै ताबेँ पुग्न सकिन्छ । रस्नालुबाट भुजीडाँडा हुँदै सोझै ताबेँ पुग्ने सडक पनि छ । त्यस्तै दोलखाको जिरीबाट ठोसे निस्किएर पनि सो स्थानमा पुग्न सकिन्छ ।

मङ्लबार, १० माघ, २०७९ गते

Comments

सम्बन्धित खवर

लोकप्रिय

धेरै पढिएको

संघर्षशिल युथ क्लबको दास्रो अधिवेशन सम्पन्न, अध्यक्षमा डुबा भोटे

किमाथांका नाका खोल्न परराष्ट्र मन्त्री साउदसँग सांसद दिपक खड्काको माग

संखुवासभाका अन्तराष्ट्रिय पदक विजेता नेपाली धावक निमेश गुरुङ सम्ममानित

राबा बैकको लोगोसंगै कार्यकारी प्रमुख किरण श्रेष्ठको तस्वीरले चुम्यो अफ्रिकाको चुचुरो

बर्दिवासको घाम बोलको गितमा गायक वाङछिरीङ भोटियाको अर्को सफलता

अन्तरपालिका स्तरिय फुटसल प्रतियोगिताको उपाधि धर्मदेबीलाई

आठ पटक सगरमाथा चढेका ज्याम्चाङ भोटेले हिमालबारे कीन भने यस्तो !

प्रधानमन्त्रीसंग किम्माथांका नाका खोल्न माग गरेका छौ : वाङछेदर भोटे

जापानमा बस्ने नेपालीहरुले नेपाल सम्झदै गरे नमस्ते साहित्यिक यात्रा

किमांथाका नाका यहि सेप्टेम्बरबाट खुल्ने अध्यक्ष वाङछेदर भोटेको खुलासा