प्रतिनिधिसभाको उपसभामुखमा रास्वपाका इन्दिरा रानामगर निर्वाचित

प्रतिनिधिसभाको उपसभामुखमा राष्ट्रिय स्वतन्त्र पार्टीका सांसद इन्दिरा रानामगर निर्वाचित हुनुभएको छ ।

रानामगरले नेपाली कांग्रेसका सांसद मुक्ताकुमारी यादवलाई पराजित गर्दै उपसभामुखमा चयन हुनुभएको हो ।

निर्वाचित रानामगरको पक्षमा १६६ मत प्राप्त गर्नुभयो । निर्वाचनमा २६४ सांसदले भाग लिनुभएको थियो ।

रानामगरको प्रस्तावकमा रास्वपाका सोविता गौतम रहनुभएको थियो भने समर्थकमा नेकपा (एमाले)का कृष्णगोपाल श्रेष्ठ, नेकपा (माओवादी केन्द्र)का नारायणी शर्मा तथा राष्ट्रिय प्रजातन्त्र पार्टीका राजेन्द्रप्रसाद लिङ्देन हुनुहुन्थ्यो ।