file photo

 

चिसो बढेसँगै विश्वको प्रमुख पर्यटकीय गन्तव्य सगरमाथा क्षेत्र सुनसान बन्दै गएको छ । सगरमाथा राष्ट्रिय निकुञ्जको कार्यालयका अनुसार यो वर्ष २५ हजार ३७ जना स्वदेशी तथा विदेशी पर्यटकले सगरमाथा क्षेत्रको भ्रमण गरेर फर्किएका छन् । जुन गत वर्षभन्दा ७० प्रतिशत बढी रहेको छ ।

गत आर्थिक वर्ष २०७८/७९ को पहिलो पाँच महिनामा सात हजार ४६४ जना पर्यटकले खुम्बु भ्रमण गरेका थिए । चालू आर्थिक वर्ष २०७९/८० को सोही अवधिमा २५ हजार २९ जना पर्यटक भ्रमण सकेर फर्किएका छन् ।

निकुञ्जका सूचना अधिकारी मनोज मण्डलका अनुसार चिसो छल्न खुम्बु छाड्नेको सङ्ख्या बढेसँगै अहिले सगरमाथा क्षेत्र सुनसान बन्न थालेको छ । उहाँले भन्नुभयो, “गत वर्ष मङ्सिर १८ गते भारी हिमपात सुरु भए पनि यस पटक हिमपात अझै सुरु नहुँदा दैनिक एक÷दुई समूह पर्यटक अनुमति लिन आउने गरेका छन् । स्थानीयसमेत खुम्बु क्षेत्रबाट काठमाडौँलगायतका ठाउँमा फर्कने क्रम बढेको छ ।”

यस क्षेत्रका नागरिकको मुख्य आम्दानीको स्रोत नै पर्यटन भएकाले ‘सिजन’ सकिएसँगै व्यवसायी आगामी फागुनमा फर्किने गरी सगरमाथा क्षेत्रबाट बाहिरिन थालेको उहाँको भनाइ छ ।

नेपाल नागरिक उड्डयन कार्यालय लुक्लाका अनुसार प्रतिकूल मौसमका कारण पुस १४ गतेदेखि एक साता ठप्प रहेको लुक्लाको उडान मौसममा सुधार आएसँगै अहिले लुक्लाबाट फर्किने यात्रुको चाप अत्यधिक रहेकाले र दैनिक सातवटा उडान भइरहेका छन् ।

निकुञ्जको तथ्याङ्कअनुसार चालू आर्थिक वर्षको साउनमा ३८५, भदौमा ६९०, असोजमा छ हजार ७३१, कात्तिकमा १३ हजार १५८ र मङ्सिरमा चार हजार ६५ जनाले सगरमाथा क्षेत्रको भ्रमण गरेका छन् । पाँच महिनाको अवधिमा २१ हजार ८५३ जना विदेशी र तीन हजार १७६ जना नेपाली पर्यटक सगरमाथा क्षेत्रको भ्रमण गरेर फर्किएका हुन् ।

भ्रमण गर्ने विदेशी पर्यटकमध्ये एक हजार ९९० सार्क मुलुकका र १० हजार ८६३ अन्य मुलुकका रहेको निकुञ्जको तथ्याङ्कमा उल्लेख छ । निकुञ्जले पर्यटक प्रवेश शुल्कबाट पाँच महिनामा तीन करोड ५५ लाख ७७ हजार १७६ रुपियाँ राजस्व सङ्कलन गरेको छ । निकुञ्जले स्वदेशी नागरिकबाट प्रतिव्यक्ति एक सय, सार्क राष्ट्रका पर्यटकबाट एक हजार पाँच सय र अन्य मुलुकका पर्यटकबाट प्रतिव्यक्ति तीन हजार रुपियाँ प्रवेश शुल्क लिने गरेको छ ।

सगरमाथा राष्ट्रिय निकुञ्ज विश्वको सबैभन्दा उचाइमा रहेको निकुञ्ज हो । यहाँ सर्वोच्च शिखर सगरमाथासहित छ हजार मिटरभन्दा अग्ला ल्होत्से, नुप्से, चोयू, पुमोरी, आमादब्लम, थामसेर्कुजस्ता हिमचुचुराको दर्शन गर्न बर्सेनि हजारौँ पर्यटक पुग्ने गरेका छन् ।

बुधबार, २७ पुस, २०७९ गते

Comments

सम्बन्धित खवर

लोकप्रिय

धेरै पढिएको

संघर्षशिल युथ क्लबको दास्रो अधिवेशन सम्पन्न, अध्यक्षमा डुबा भोटे

किमाथांका नाका खोल्न परराष्ट्र मन्त्री साउदसँग सांसद दिपक खड्काको माग

संखुवासभाका अन्तराष्ट्रिय पदक विजेता नेपाली धावक निमेश गुरुङ सम्ममानित

राबा बैकको लोगोसंगै कार्यकारी प्रमुख किरण श्रेष्ठको तस्वीरले चुम्यो अफ्रिकाको चुचुरो

बर्दिवासको घाम बोलको गितमा गायक वाङछिरीङ भोटियाको अर्को सफलता

अन्तरपालिका स्तरिय फुटसल प्रतियोगिताको उपाधि धर्मदेबीलाई

आठ पटक सगरमाथा चढेका ज्याम्चाङ भोटेले हिमालबारे कीन भने यस्तो !

प्रधानमन्त्रीसंग किम्माथांका नाका खोल्न माग गरेका छौ : वाङछेदर भोटे

जापानमा बस्ने नेपालीहरुले नेपाल सम्झदै गरे नमस्ते साहित्यिक यात्रा

किमांथाका नाका यहि सेप्टेम्बरबाट खुल्ने अध्यक्ष वाङछेदर भोटेको खुलासा