विद्यार्थीलाई न्यानो सुइटर वितरण

कपिलवस्तुमा सामुदायिक विद्यालयमा अध्यनरत विद्यार्थीलाई न्यानो सुइटर वितरण भएको छ । जिल्लाको शिवराज नगरपालिका ६ र बुद्धभूमि नगरपालिका वडा नम्बर २ ले साना बालबालिकालाई सुइटर वितरण गरेको हो ।

शिवराज नपा ६ ले तीन सय विद्यार्थीलाई सुइटर वितरण गरेको वडा अध्यक्ष महेताब आलम खानले बताउनुभयो । सामुदायिक तथा मदरसामा अध्ययन गर्ने विद्यार्थीलाई सहयोग गरिएको थियो । यसैगरी बुद्धभुमि वडा २ ले बाल बिकास र कक्षा १ मा अध्ययन गर्ने १६५ जना विपन्न बालबालिकालाई न्यानो लुगा दिने अभियान रहेको वडा अध्यक्ष सुरज प्रताप राणाले बताउनुभयो ।

कपिलवस्तुमा चिसोसँगै शितलहर चल्न सुरु गरेपछि केही पालिकाले विद्यालय बन्द समेत गरेका छन् । बुद्धभुमि नगरपालिकाले आइतबारदेखि विद्यालय बन्द गर्ने सूचना प्रकाशन गरेको छ ।