बैंकको ब्याजदरविरुद्ध व्यवसायी आन्दोलित

नेपाल राष्ट्रिय व्यवसायी महासंघ र नयाँ बानेश्वर व्यापार व्यवसायी संघले माइतीघरमा प्रदर्शन गरेका छन्।

सोमबार उद्योग व्यवसायीहरूले सरकारको व्यवसायीप्रति विभेद तथा वित्तिय संस्थाको आतंक विरुद्ध विरोध  कार्यक्रम प्रदर्शन गरेका हुन्।

बैंकहरुले कर्जाको ब्याजदर फेरि बढाएर व्‍यापारीलाई टर्चर दिएको भन्दै उनीहरु प्रदर्शनमा उत्रिएका हुन्। उद्योगी व्यवसायीहरुले अहिले बढेको ब्याजदरअनुसार कर्जाको ब्याज भुक्तानी गर्न सक्ने अवस्थासम्म नरहेकोले प्रदर्सनमा उत्रिन बाध्य भएको बताएका छन्।

बैंकहरुले निक्षेपको ब्याजदर घटाएको भए पनि कर्जाको ब्याजदर फेरि ०:५ प्रतिशतदेखि १ प्रतिशतसम्म बढाएको भन्दै व्यवसायीहरु आन्दोलित भएका हुन्।

प्रदर्शनमा सहभागीहरूले गरी खाने मर्दैछ, सरकारको राजश्वको घट्दैछ,भिख मागेर देश चलाउने अर्थनीति बन्द गर,बैंक सधै नाफामा,उधोगी सधैं घाटामा लगायत नारा लेखिएका प्लेकार्ड बोकेर प्रदर्शन गरिरहेका छन्।