पुस महिनाभर अधिकांश ग्रह हेर्न पाइने

सौर्यमण्डलका सम्पूर्ण ग्रहमध्ये अधिकांशलाई पुस महिनाभर नांगाे आँखाले र केही ग्रहलाई दूरबिन र टेलिस्कोपको सहायताले देख्न सकिने छ ।

विपि कोइराला मेमोरियल प्लानेटरियम अब्जरभेटरी तथा विज्ञान संग्रहालयका निमित्त कार्यकारी निर्देशक डा. सनतकुमार शर्माकाअनुसार आकाश सफा रहेको समयमा साँझपख सूर्यास्तसँगै बुध र शुक्र ग्रहहरु दक्षिण पश्चिम दिशामा केही समय अवलोकन गर्न सकिने छ ।

यी दुई ग्रहहरु साँझ ६ : ३० बजे सम्ममा क्षीतिजमुनी पुगिसक्ने भएकाले सिमित समयको लागि देख्न सकिने उहाँको भनाइ छ । बृहस्पति ग्रहलाई भने स्पष्ट र चम्किलो रुपमा पूर्व दक्षिणबाट मध्य रातिसम्म देख्न सकिने छ । मंगल ग्रहलाई पूर्वउत्तरदेखि पश्चिममा साँझदेखि बिहानसम्म अवलोकन गर्न सकिने छ ।

औँशीपश्चात् चन्द्रमा पनि अर्ध चन्द्रकार स्वरुपबाट पूर्ण चन्द्रमासम्मको दृश्यमा ग्रहको अघिपछि पछ्याइरहेको मनोरम दृश्य पनि देख्न सकिने छ ।

बुध, शु्क्र, शनि, बृहस्पती र मंगल ग्रहलाई नांगाे आँखाले सजिलैसँग अवलोकन गर्न सकिने छ भने दूरबिन र टेलिस्कोपको सहायताले शनि र बृहस्पतिको बीचमा बरुण ग्रह तथा बृहस्पति र मंगल ग्रहको बीचमा अरुण ग्रहलाई पनि अवलोकन गर्न सकिनेछ ।