नयाँ सरकारमा मन्त्री नबन्ने काँग्रेसका महामन्त्रीद्वय थापा र शर्माद्वारा घोषणा

नेपाली काँग्रेसका महामन्त्रीद्वय गगन थापा र विश्वप्रकाश शर्मा मन्त्री नबन्ने लाइनमा देखिएका छन् ।

पार्टीको संसदीय दलको निर्वाचनपछि संचारकर्मीहरुसग कुरा गर्दै काँग्रेसका महामन्त्रीद्वय थापा र शर्माले सरकारमा नजाने घोषणा गरेका हुन् । कांग्रेसका महामन्त्री थापाले संसदीय दलको चु्नावमा पराजित भइसकेकपछि आफू अब मन्त्री नहुने बताउनुभएको छ।

सभापति शेरबहादुर देउवासँग ३९ मतले पराजित भएपछि महामन्त्री थापाले संसदीय दलको अर्को चुनाव नभएसम्म सरकारमा नजाने घोषणा गर्नुभएको हो। उहाले संसदीय दलको नेतामा प्रतिस्पर्धा गरिसकेपछि अब आफू सरकारको कुनै जिम्मेवारीमा नजाने पनि बताउनु भएको छ ।

थापाले आफू संसदीय दलको नेतामा प्रतिस्पर्धा गरिसकेपछि फेरि सो पदको लागि कोसिस गर्ने बताउनु भएको हो। त्यस्तै कांग्रेसका अर्का महामन्त्री विश्वप्रकाश शर्माले पनि नयाँ सरकारमा आफू मन्त्री नबन्ने बताबताउनु भएको हो । उहाले पार्टी कार्यालयमा बसेर गर्ने आफ्नो कामहरु धेरै भएकोले सरकारमा नजाने बताउनु भएको छ ।

शर्माले पार्टीले महामन्त्री बनाएको वर्ष दिन मात्रै भएको भन्दै पार्टीलाई सु-संगठित गर्ने धेरै काम आफ्नो जिम्मामा रहेको उल्लेख गर्नुभयो।